ۇزدىك تاۋارلار انىقتالدى

ءىس-شارانىڭ سالتاناتتى اشى­­لۋىندا الماتى وبلىسى كا­سىپكەرلەر پالاتاسىنىڭ باس­قارۋشى ديرەكتورى ەرجان دۇي­سەكەنوۆ بايقاۋدىڭ ماقساتى كاسىپورىنداردىڭ قىزمەتىن جانداندىرۋ, وتاندىق تاۋارلاردىڭ ساپاسىن ارتتىرۋ جانە ەل نا­رى­عىن باسەكەگە قابىلەتتى ونىممەن تولىقتىرۋ ەكەنىن اتاپ ءوتتى. سونداي-اق ول وسى كورمە ار­قىلى ءوڭىردىڭ جەكە برەندتەرىن قۇرۋ, ماركەتينگ جانە نارىقتاعى ءونىمنىڭ قۇندىلىعىن ارتتىرۋ جولىندا تەر توگىپ جۇرگەن وتان­دىق كاسىپكەرلەردىڭ ەڭبەگىنە تولاعاي تابىس تىلەدى.

كەلەسى كەزەكتە الماتى وبلىسى اكىمىنىڭ ورىنباسارى رۋستام يساتاەۆ ءداستۇرلى تۇردە وتكىزىلىپ كەلە جاتقان وسى بايقاۋ ارقىلى حالىق اراسىندا ساپا يدەياسى كە­ڭىنەن تانىلىپ, ەلىمىزدىڭ نارىعى باسەكەگە قابىلەتتى ونىمدەرمەن تولىعا تۇسەتىنىن تىلگە تيەك ەتتى.

«كەيىنگى بەس جىلدا كاسىپپەن اينالىسۋشىلاردىڭ ءوڭىر ەكونوميكاسىن دامىتۋعا قوسقان ۇلەسىنىڭ ناتيجەسىندە ونەركاسىپ كولەمى ەكى ەسەگە ارتىپ, وتكەن جىلدىڭ قورىتىندىسى بويىنشا 1,6 ترلن تەڭگەنى قۇراپ, 2021 جىلعى كورسەتكىشتەن 300 ملرد تەڭگەگە ءوسىپ وتىر. بۇگىندە وبلىس­تا 120 مىڭنان اسا شاعىن جانە ورتا بيزنەس سۋبەكتىلەرى جۇمىس ىستەيدى. 2050 جىلعا دەيىنگى دامۋ ستراتەگياسى شەڭبەرىندەگى نەگىزگى ماقساتتىڭ ءبىرى – شاعىن جانە ورتا بيزنەستىڭ ۇلەسى ەلدىڭ ىشكى جالپى ءونىمىنىڭ كەمىندە 35 پايىزىن قامتاماسىز ەتۋ. كاسىپكەرلىكتى دامىتۋ جونىندەگى ۇلتتىق جوبا شەڭبەرىندە حالىق تۇتىناتىن تاۋارلاردىڭ وتاندىق ءوندىرىسىن قولداۋ ماقساتىندا «كاسىپكەرلىكتى دامىتۋدىڭ 2022 جىلعا ارنالعان ۇلتتىق جوباسى» اياسىندا 18,8 ملرد تەڭگەنىڭ جوبالارى قارجىلاندىرىلدى. شاعىن جانە ورتا بيزنەستى دامىتۋعا باعىتتالعان قولداۋ 250 مىڭنان اسا ادامدى نەمەسە ەكونوميكالىق بەلسەندى حالىقتىڭ 26 پايىزىن جۇمىسپەن قامتىپ وتىرعان ءوڭىر ەكونوميكاسىنىڭ دامۋىنا وراسان زور مۋلتيپليكاتيۆتى اسەر بەرەدى», دەدى وبلىس اكىمىنىڭ ورىنباسارى.

ء«بىر اۋىل – ءبىر ءونىم» اۋىل تۇرعىندارىنىڭ ءال-اۋقاتىن جانە كاسىپكەرلەردىڭ كىرىسىن ارتتىرۋ, ءبىر اۋىلدى باسەكەگە قابىلەتتى ءبىر ءونىم شىعارا الاتىنداي دەڭگەيگە جەتكىزۋ ءۇشىن قولعا الىنعان جوبا ەكەنىن اتاپ وتكەن وبلىستىق «اتا­مەكەن» كاسىپكەرلەر پالاتاسىنا قاراس­تى ىسكەر ايەلدەر كەڭەسىنىڭ ءتورايىمى ءلاززات بوتابەكوۆا ءوز ونىم­­دەرىن كوپشىلىك نازارىنا ۇسىن­­عان كاسىپكەرلەرگە ساتتىلىك تىلەي وتىرىپ, كاسىبىن دوڭگەلەتىپ جۇرگەن بارشا ايەلدەر قاۋىمىنا قولداۋ بىلدىرەتىنىن اشىپ ايتتى.

ءوز كەزەگىندە وڭىرلىك كاسىپكەر­لەر كەڭەسىنىڭ توراعاسى ەرىك ءابي­توۆ تە مەملەكەت تاراپىنان كا­سىپ­كەرلىكتى دامىتۋدا بىر­قا­­­تار باعدارلامانىڭ بارىن اتاپ, وعان وبلىس اكىمى مارات سۇل­­تان­عازيەۆتىڭ ۇنەمى قولداۋ كورسە­­تەتىنى ءۇشىن ريزاشىلىعىن ءبىل­دىردى.

ءىس-شاراعا قاتىسقان قوناقتار نازارىنا ءسۇيىنباي اتىنداعى وبلىستىق فيلورمونيا ونەر­پازدارىنىڭ كونتسەرتتىك باعدار­لا­ماسى ۇسىنىلدى. وتان­دىق ونىم­دەردىڭ سان ءتۇرى تانىستىرىل­عان كورمەدە وزىنشە ورنەگىمەن كوزگە تۇسكەن اۋداندار از بولمادى. ايتالىق, جامبىل اۋدا­نىنان ارنايى ات ارىتىپ كەلگەن كورمە قوناقتارىن باتىر جاۋىن­گەرلەر مەن ۇلتتىق كيىمدەگى كو­رىكتى قىزدار قارسى السا, قاراساي وڭى­رىنەن كەلگەن قوناقتاردى قوس ىشەك­تى دومبىرا شەرتكەن دۋەت جىر-شاشۋمەن قارسى الىپ جات­قان كورىنىستەر كوڭىلگە قۋانىش سەبەلەدى.

قۇرامىنا جەرگىلىكتى بيلىك پەن قوعامدىق ۇيىمداردىڭ وكىل­دەرى, وبلىستىڭ وڭىرلىك كەڭەسى مەن كاسىپكەرلەر پالاتاسىنىڭ مۇشەلەرى كىرگەن ارنايى كوميسسيا ۇزدىك تاۋارلاردى «ۇزدىك ونەر­كاسىپ تاۋارلارى» جانە «ۇزدىك ازىق-ت ۇلىك تاۋارلارى» اتالىمى بويىنشا انىقتادى.

كوميسسيا قۇرامىنىڭ شەشى­مى­نە سايكەس «IT&M» كومپانياسى «ۇزدىك ونەركاسىپ تاۋارلارى» اتالىمىنىڭ جەڭىمپازى اتاندى. «IT&M» جشس – قا­زاقستان اۋماعىندا «Misot-Flex» ماركالى سينتەتيكالىق پەنوپلاست شىعاراتىن جەلىنى ىسكە قوسقان العاشقى كومپانيا.

ەكىنشى ورىندى يننوۆاتسيالىق مولەكۋلالىق تەحنولوگيالاردى قولدانۋ ارقىلى ازىرلەنگەن بىرەگەي سينتەتيكالىق مايلاردى شىعاراتىن كومپانيا «لۋكويل لۋبريكانت تسەنترالنايا ازيا» جشس يەلەندى.

مەحانيكالىق بەرىكتىكتىڭ جوعارىلاۋىنا جانە سايكەسىنشە كابەلدى قورعاۋعا ارنالعان جو­عارى ساپالى قۇبىرلارعا كەپىلدىك بەرەتىن تمد ەلدەرىندەگى ءبىرىن­شى سپيرالدى قۇبىرلاردى ءوندىرۋ­دىڭ يننوۆاتسيالىق تەحنولوگيالارىن پايدالانۋعا نەگىزدەلگەن «بەرىكتىگى جوعارى كابىلدىك قۇبىرلار زاۋىتى» كاسىپورنى ۇزدىك ءۇشىنشى ورىنعا تۇراقتادى.

ال «ۇزدىك ازىق-ت ۇلىك تاۋارلارى» اتالىمىندا جالعىز جە­ڭىم­پاز «AsiaAgroFood» اق اتاندى.

ء«بىز – قازاقستاندا سيروپتار, مال ازىعى جانە نان ۇنىنىڭ ءوندىرىسى بويىنشا كوشباسشىمىز. نەگىزگى قىزمەتىمىز – بيداي ءدانىن ۇنعا جانە جۇگەرى ءدانىن گليۋكوزا-مالتوزا سيروپتارىنا وڭدەۋ, سونىمەن قاتار مال ازىعىنىڭ بارلىق ءتۇرىن ءوندىرۋ. بارلىق تسەح پەن ءوندىرىس گەرمانيادا, شۆەي­تساريادا, يتاليادا جانە اقش-تا شىعارىلعان ەڭ جا­ڭا,­ ونىمدىلىگى جوعارى جابدىق­تار­مەن قامتىلعان. سوندىق­تان ەڭبەگىمىزدىڭ جاقسى باعا­لانعانىنا ريزامىز. ءبىز وبلىسىمىزدى رەسپۋبليكالىق دەڭگەيدە ماقتانىشپەن كورسەتەمىز», دەپ اتاپ ءوتتى كومپانيا وكىلدەرى.

سونداي-اق «قازاقستاننىڭ ۇزدىك تاۋارى» بايقاۋى اياسىندا العاش رەت ء«بىر اۋىل – ءبىر ءونىم» جوباسىنا قاتىسۋشىلاردىڭ ونىمدەرى ۇسىنىلدى.

ء«بىر اۋىل – ءبىر ءونىم» جوباسى – ءوز ەكونوميكاسىن جاقسارتۋ ءۇشىن الەۋەتتى تابيعي رەسۋرستاردى پايدالانۋ ارقىلى اۋىلدىق جەرلەردە ەكونوميكالىق ءوسۋدىڭ قۇرالى. اۋىل تۇرعىندارىنىڭ ءومىر ءسۇرۋ دەڭگەيىن كوتەرۋ, ساتۋ جانە كىرىستى ارتتىرۋعا نەگىزدەلگەن.

كورمەگە قاتىسۋشىلاردىڭ كوپشىلىگى مۇنداي ءىس-شارالارعا العاش رەت قاتىسىپ وتىرعاندارىن اتاپ ءوتتى. ماسەلەن, رايىمبەك اۋدانىنان كەلگەن كاسىپكەر كۇل­پارقان توقتاقىن كۆينوادان ەمدىك قارا سابىن جاساۋمەن اينالىسادى ەكەن.

«ەجەلدەن اتا-بابالارىمىز كۆينوادان جاسالعان قارا سابىندى كۇندەلىكتى ومىردە قولدانعان. ال كونە ەمشىلەر سابىن ارقىلى ەڭ اۋىر جارالاردى ەمدەپ, ءتىپتى وپەراتسيا كەزىندە دەزينفەكتسيالاۋ­شى قۇرال رەتىندە پايدالانعان», دەپ ءوز وندىرىسىمەن تانىستىردى كاسىپكەر.

سونداي-اق كەگەن اۋدانىندا كاسىپكەرلىكتىڭ ءورىسىن كەڭەيتىپ وتىرعان سانيازوۆتار وتباسىنىڭ ساۋداعا شىعارعان تازا تابيعي سارى مايى مەن كىلەگەيىنە, قۇرت-ىرىم­شىگىنە سۇرانىس ارتتى. 2012 جىلى «سانيازوۆ» شارۋا قو­جالىعىن قۇرعان كەگەن اۋدا­نىنىڭ قۇرمەتتى ازاماتى, اۋدان­دىق ءماسليحاتتىڭ بىرنەشە مارتە دەپۋتاتى بولعان سەرىك سا­نيازوۆتىڭ ۇلى نۇربەك پەن كەلىنى الفيا مەلىسوۆا بايىرعى تەحنولوگيامەن ءسۇت ونىمدەرىن شىعارۋدا كوش باستاپ تۇر.

«اتامەكەن» كاسىپكەرلەر پالاتاسىنان قولداۋ تاۋىپ, جوعارى ساپالى اياقكيىم تىگۋدى جولعا قوي­عان جامبىل اۋدانىنىڭ ىسمەرى نۇرگۇل دالەلحانقىزىنىڭ ءونىمى دە كوپتىڭ قىزىعۋشىلىعىن تۋدىردى.

كورمەدە جۇمىس توبى ۇزدىك 10 قاتىسۋشىنى تاڭدادى. ءارى قاراي وسى كاسىپكەرلەر تۋرالى تولىق پرەزەنتاتسيالار ازىرلەنىپ, ولار برەند-كوميتەتكە ۇسىنىلادى. كوميتەت وسى تىزىمنەن ءۇش جەڭىم­پازدى تاڭدايدى. ولار بۇل جوبا­نىڭ كوپتەگەن مۇمكىندىگىنە قول جەتكىزە الادى. اتاپ ايتساق, جىل­د­ىڭ سوڭىنا دەيىن وقىتۋ جانە ماركەتينگتىك قىزمەتتەر, ەرەك­شە ماڭىزدى سەرتيفيكاتتار, ىشكى جانە الەمدىك نارىقتاردا جىلجىتۋ, برەندتى دامىتۋ, دي­زاين جاساۋ جانە باسقا دا جەڭىل­دىك­تەردى پايدالانۋعا قول جەتكىزەدى.

الماتى وبلىسى