قازاقستاننىڭ مەديتسينالىق بەلسەندىلەرى, اتاپ ايتقاندا, قازاق كوز اۋرۋلارى عزي-دىڭ ديرەكتورى, م.ع.د., پروفەسسور ت.ك. بوتابەكوۆ ماڭىزدى مەديكو-الەۋمەتتىك ماسەلە – گلاۋكوما سىرقاتىنا قاتىستى ماسەلەنى كەشىكتىرمەي شەشۋگە ىقپال ەتۋ تۋرالى ماسەلە كوتەرىپ وتىر. بۇل ماسەلە بىرنەشە جىلدان بەرى شەشىلمەي كەلەدى, ونىڭ ۇستىنە دەنساۋلىق ساقتاۋ سالاسىنداعى وڭتايلاندىرۋ گلاۋكوماعا قارسى قىزمەتتىڭ ءوزىن قاتەرگە ءتۇسىردى, وسى ارقىلى رەسپۋبليكادا الەۋمەتتىك قىسىم قالىپتاستىردى.
قازاقستاندا گلاۋكوما ەمدەلمەيتىن كورمەۋشىلىك پەن ناشار كورۋدىڭ سەبەپتەرىنىڭ ىشىندە الدىڭعى ورىندى يەلەنەدى. ديسپانسەرلىك ەسەپتە 72 مىڭنان اسا گلاۋكوما سىرقاتتارى تۇر. ءاربىر جىل سايىن 10 000 جاڭا اۋرۋ جاعدايلارى تىركەلۋدە, ولاردىڭ 45%-ى كورۋدىڭ ءبىراز قىزمەتى جويىلعان سوڭعى ساتىسىندا العاش انىقتالادى, ونىڭ ۇستىنە 10% اۋرۋلار 40 جاستان اسپاعان جاستار. بۇل ءۇردىستىڭ قاۋىپتىلىگى سوندا, گلاۋكوما اۋرۋى ەڭبەككە قابىلەتتى حالىقتىڭ ەداۋىر بولىگىن قوعامعا پايدالى قىزمەت سالاسىنان الىپ تاستايدى, سوندىقتان دا بۇل دەرتپەن كۇرەسۋ الەۋمەتتىك جانە ەكونوميكالىق ماڭىزعا يە.
سونىمەن قاتار, ەۋروپالىق وداق, اقش گلاۋكوما ماسەلەسىن تىڭعىلىقتى شەشىپ قويعان, ويتكەنى ونىڭ ەرتە دياگنوستيكالىق (سكرينينگ) ءادىسى قولدانىلادى. دامىعان ەلدەردە, ەمحانالىق دەڭگەيدە (ياعني امسك دە) گلاۋكوما سكرينينگىندە “التىن ستاندارت” دەپ تانىلعان لازەرلىك رەتينوتوموگراف HRT-3 قولدانىلادى. ءوندىرۋشى گەرمانيانىڭ ءHeىdelberg ءEngىneerىng كومپانياسى بولىپ تابىلادى. وسى كومپانيانىڭ وكىلدەرى قازاقستاندىق وفتالمولوگتارمەن بىرگە عىلىمي-پراكتيكالىق سەمينار جانە كونفەرەنتسيالار وتكىزدى.
جوعارىدا ايتىلعانداردىڭ نەگىزىندە, وسى ماسەلەنىڭ الەۋمەتتىك ماڭىزىن ەسكەرە وتىرىپ, سونداي-اق پرەزيدەنت ن.نازارباەۆ بىرنەشە رەت ايتقانداي قازاقستاننىڭ دەنساۋلىق ساقتاۋ جۇيەسىنە ەرتە دياگنوستيكا ادىستەرىن ەنگىزۋ وزەكتى ماسەلە ەكەنى انىق.
مۇحتار تىنىكەەۆ, ءماجىلىس دەپۋتاتى.