پرەزيدەنت قاسىم-جومارت توقاەۆ پاۆلودار وبلىسىنا جۇمىس ساپارى بارىسىندا «ZENITH» زاۋىتىنىڭ جۇمىسىمەن تانىستى. كاسىپورىن قۇرىلىس ماتەريالدارىن شىعارۋمەن جانە ءتۇرلى ماقساتتا قولدانىلاتىن نىساندار سالۋمەن اينالىسادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
قاسىم-جومارت توقاەۆ كاسىپورىن تسەحتارىن ارالاپ, زاۋىت ونىمدەرىمەن تانىستى. كاسىپورىندا بەتون, ىرگەتاس بلوكتارى, كىرپىش سەكىلدى قۇرىلىس ماتەريالدارى وندىرىلەدى. تاياۋدا زاۋىتتا تومەن قىسىمدى پوليەتيلەننەن ديامەترى ۇلكەن قۇبىرلار شىعاراتىن وندىرىستىك جەلى ىسكە قوسىلدى. ءونىم شارۋاشىلىق-اۋىزسۋ جانە تەحنيكالىق سۋمەن جابدىقتاۋ قۇبىرلارىن سالۋدا كەڭىنەن قولدانىلادى.
كاسىپورىن باسشىلىعىنىڭ ايتۋىنشا, بۇگىندە ءوندىرىس ينفراقۇرىلىمىنا 20 ميلليارد تەڭگە شاماسىندا ينۆەستيتسيا قۇيىلعان. سونىمەن قاتار زاۋىت مەملەكەتتىك-جەكەشەلىك ارىپتەستىك قاعيداتى بويىنشا الەۋمەتتىك تۇرعىن ۇيلەر سالۋعا قاتىسادى. كاسىپورىن جاڭا وندىرىستەردى ىسكە قوسىپ, كوپپاتەرلى تۇرعىن ۇيلەردى پايدالانۋعا بەرۋدى, سونىڭ ىشىندە مەملەكەتتىك باعدارلاما اياسىندا جىلىنا 100 مىڭ شارشى مەتر تۇرعىن ءۇي سالۋدى جوسپارلاپ وتىر.
زاۋىت ۇجىمىمەن اڭگىمەلەسۋ بارىسىندا پرەزيدەنت وتاندىق قۇرىلىس يندۋسترياسىن دامىتۋ - ماڭىزدى ماسەلەلەردىڭ ءبىرى ەكەنىن اتاپ ءوتتى.
«Cىزدەر ەكونوميكامىزدىڭ لايىقتى سەكتورىنا اينالدىڭىزدار. وسى سالا مەملەكەت تاراپىنان قولداۋعا يە بولۋىنا مۇددەلىمىن. البەتتە, ءبىز ادال سەرىكتەس رەتىندە قولداۋ بىلدىرەمىز. تاعى دا قايتالاپ ايتامىن. شاعىن جانە ورتا بيزنەستەگى احۋال بۇكىل ەكونوميكامىزدىڭ دامۋىنا ەلەۋلى تۇردە ىقپال ەتەدى. سوندىقتان سىزدەر مەنىڭ ۇدايىمدا نازارىمدا بولاسىزدار», دەدى مەملەكەت باسشىسى.