5 تامىز كۇنى ءال-فارابي اپب-عا جاس قىزدىڭ جوعالعانى تۋرالى حابارلاما تۇسكەن ەدى. اعاسىنىڭ ايتۋىنشا, 2004 جىلى تۋعان ستۋدەنت 4 تامىز كۇنى ۇيدەن بەلگىسىز باعىتقا شىعىپ, قايتا ورالماعان, دەپ حابارلايدى Egemen.kz Polisia.kz سايتىنا سىلتەمە جاساپ.
تۇركىستان وبلىسىنىڭ تۋماسى ۋاقىتشا اپكەسىنىڭ ۇيىندە تۇرعان.
جەدەل-ىزدەستىرۋ جۇمىستارىنا شىمكەنت قالاسى پد-ءنىڭ بارلىق جەكە قۇرامى جۇمىلدىرىلدى. وتاندىق باق-تا جانە الەۋمەتتىك جەلىدە 18 جاستاعى قىزدىڭ ءىس-ءتۇسسىز جوعالعانى تۋرالى حابارلاندىرۋ تاراتىلدى.
ءۇش كۇن بويى ۇزدىكسىز جۇرگىزىلگەن ىزدەۋ جۇمىستارى وڭ ناتيجە بەرگەن جوق.
«بۇگىن تۇنگى ساعات 01:30 شاماسىندا ءال-فارابي اپب-عا تۋىستارى ءۇيدىڭ جەرتولەسىنەن جوعالعان قىزدىڭ ءولى دەنەسىن تاپقانى تۋرالى حابارلادى. وقيعا ورنىنا بارعان جەدەل تەرگەۋ توبى جەرتولەدەن توسەك جايماسىنا ورالعان, دەنەسىندە زورلىق بەلگىلەرى بار ءمايىتتى انىقتادى. بويجەتكەندى تۋعان جەزدەسى ءولتىردى دەگەن نۇسقا قاراستىرىلىپ جاتىر», دەلىنگەن حابارلامادا.
قر قك 99-بابى «ادام ءولتىرۋ» بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
قاجەتتى ساراپتامالار تاعايىندالدى. كۇدىكتى ۋۇي-عا قامالدى.
وزگە اقپارات قر قپك-ءنىڭ 201-بابىنا سايكەس جاريالاۋعا جاتپايدى.