تەمىرتاۋدا جىلۋ كوزدەرى مەن جىلۋ جەلىلەرىن اۋقىمدى رەكونسترۋكتسيالاۋ جۇمىستارى ءجۇرىپ جاتىر. قاراعاندى وبلىسىنا جۇمىس ساپارى بارىسىندا قر پرەمەر-ءمينيسترىنىڭ ءبىرىنشى ورىنباسارى رومان سكليار جۇرگىزىلىپ جاتقان جۇمىستاردىڭ بارىسىن تەكسەردى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
«ارسەلورميتتال تەمىرتاۋ» اق 2-جەو-سىندا جىلۋ بەرۋ ماۋسىمىنا دايىندىق جانە جەتىنشى قازاندىقتىڭ قۇرىلىسى تۋرالى كاسىپورىننىڭ باس ديرەكتورى ۆلاديمير يابلونسكي باياندادى. ونىڭ ايتۋىنشا, ءۇش قازاندىق پەن ءۇش تۋربينالى گەنەراتوردى جوندەۋ جۇمىستارى اياقتالۋعا جاقىن. سونداي-اق جەتىنشى قازاندىقتى سالۋ بويىنشا ماڭىزدى جوبانى ىسكە اسىرۋ كەشىكتىرىلىپ جاتىر: نىساندا جۇمىسشىلار جەتپەي جاتىر, نەگىزگى جابدىقتار كەشىگىپ ورناتىلۋدا.
مەردىگەر ۇيىم باسشىلىعىنىڭ («AB Construction» جشس) ەسەبىن تىڭداعان رومان سكليار قۇرىلىس-مونتاجداۋ جۇمىستارىن ۋاقىتىلى اياقتاۋ قاجەتتىگىن بەلگىلەپ, ەسكەرتۋ جاسادى.
تەمىرتاۋدا رومان سكليارعا جىلۋ جەلىلەرىن جوندەۋ باعدارلاماسى ۇسىنىلدى. قالادا جىلۋ جەلىلەرىنىڭ بارلىق توزعان ۋچاسكەسى بويىنشا رەكونسترۋكتسيالاۋ ءجۇرىپ جاتىر. جۇمىستار جىلۋ بەرۋ ماۋسىمى باستالعانعا دەيىن اياقتالۋعا ءتيىس.
پرەمەر-ءمينيستردىڭ ءبىرىنشى ورىنباسارى وبلىستىڭ باسقا دا بىرقاتار ەنەرگيا كوزىن ارالادى. ول توپار, شاحتينسك جانە قاراعاندىعا باردى.
«توپار» ماەس باسشىلىعى نەگىزگى جانە قوسالقى جابدىقتاردى كۇردەلى جانە قالىپتى جوندەۋ جۇمىستارى كەستە بويىنشا ءجۇرىپ جاتقانىن حابارلادى.
«بۇگىنگى تاڭدا جوندەۋ باعدارلاماسى 60%-عا ورىندالدى. كوزدەلگەن جوسپارلاردان ارتتا ەمەسپىز. بارلىق مىندەتتەمەلەردى ورىندايمىز», دەدى «توپار» ماەس وپەراتسيالىق ديرەكتورى الەكساندر بۋزو.
شاحتينسك جەو-سىنىڭ توزۋى – 75% دەڭگەيىندە. 10 جىل بويى جابدىققا كۇردەلى جوندەۋ جۇرگىزىلمەگەن. بيىل ءۇش قازاندىق پەن ەكى تۋربينا جوندەلىپ جاتىر. رومان سكليار بارلىق جۇمىس ۋاقىتىندا اياقتالۋى كەرەك ەكەنىن ەسكەرتتى.
سونىمەن قاتار جوندەۋ ناۋقانى تۋرالى ءبىرىنشى ۆيتسە-پرەمەرگە «قاراعاندى ەنەرگوورتالىق» كومپانياسىنىڭ باسشىلىعى دا باياندادى. ول وبلىس ورتالىعىنىڭ تۇتىنۋشىلارىن جىلۋمەن جانە ەلەكتر ەنەرگياسىمەن قامتاماسىز ەتەدى. قۇرامىنا ەكى ەنەرگيا كوزى كىرەدى: 3-جەو جانە 1-جەو. الداعى جىلۋ بەرۋ ماۋسىمىنا دەيىن جالپى 16 قازاندىق پەن 10 تۋربينا جوندەلەدى. جۇمىس كەستە بويىنشا ءجۇرىپ جاتىر. بيىلعى جوندەۋ باعدارلاماسىنىڭ جالپى قۇنى 13 ملرد تەڭگەدەن اسادى.
سونداي-اق رومان سكليارعا 3-ءشى جىلۋ تاراتقىش قۇرىلىسىنىڭ بارىسى تۋرالى ايتىلدى. جوبا كەزەڭ-كەزەڭمەن جۇزەگە اسىرىلىپ جاتىر. ونى ىسكە اسىرۋ جىلۋمەن جابدىقتاۋ جۇيەسىن جاقسارتۋعا جانە قالانىڭ جاڭا نىساندارىن جىلۋمەن قامتاماسىز ەتۋگە مۇمكىندىك بەرەدى.