استانادا Jüregımnıñ Jenımpazy اتاۋىمەن «جۇرەك ورتالىعى» قورى ۇيىمداستىرعان قايىرىمدىلىق جارىسى وتەدى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
ءىس-شارا قازاقستاندا العاشقى جۇرەك ترانسپلانتاتسياسىنىڭ كۇنىنە ورايلاستىرىلىپ وتىر.
جارىس 6 تامىزدا وتەدى. ءىس-شارانىڭ وتكىزىلۋىنە بايلانىستى وسى كۇنى تاڭعى ساعات 8:00-دەن 10:00-گە دەيىن كوشەلەردىڭ مىناداي ۋچاسكەلەرى جابىلادى:
- اقمەشىت كوشەسىنەن باستاپ ەكسپو اۋماعىن تولىق اينالىپ ءوتۋ;- تۇركىستان كوشەسى ۇلى-دالا كوشەسىنەن ابۋ-دابي پلازا عيماراتىنا دەيىن;- اقمەشىت كوشەسى – ابۋ-دابي پلازا عيماراتىنان ەكسپو الاڭىنا دەيىن- 3 شاقىرىم قاشىقتىققا ۇلى دالا كوشەسىنىڭ بويىنداعى اقمەشىت كوشەسى مەن تۇركىستان كوشەسىنىڭ ارالىعى جابىلادى.
ەلوردا تۇرعىندارى مەن قوناقتارىن قالا جولدارىندا كەپتەلىس تۋدىرماس ءۇشىن قوزعالىس باعىتىن الدىن الا جوسپارلاۋى قاجەت.