الماتىدا اباي داڭعىلى باتىس باعىتتا دوستىق داڭعىلىنان اۋەزوۆ كوشەسىنە دەيىن, شىعىس باعىتتا تىلەنديەۆ كوشەسىنەن ناۋرىزباي باتىر كوشەسىنە دەيىنگى اۋماقتاردا جوندەۋ جۇمىستارى تولىق اياقتالىپ, كولىك قوزعالىسى قالپىنا كەلدى, دەپ حابارلايدى Egemen.kz.
الماتى قالالىق موبيلدىلىك باسقارماسىنىڭ مالىمەتىنە سايكەس, 3 تامىز كۇنى ساعات 23:00-دەن 5 تامىز ساعات 06:00-گە دەيىن داڭعىلدىڭ اۋەزوۆ كوشەسىنەن روزىباكيەۆ كوشەسىنە دەيىنگى بولىگىنىڭ سولتۇستىك بەتىندە پوليمەرلى اسفالتبەتون جابىنىن توسەۋ جۇمىستارىنا بايلانىستى كولىك قوزعالىسى شەكتەلەدى.
«جابىق جەرلەردى اۋەزوۆ, شەۆچەنكو, ساتباەۆ, جاروكوۆ, گاگارين, روزىباكيەۆ كوشەلەرى ارقىلى اينالىپ وتۋگە بولادى. داڭعىلدى اۋەزوۆ, گاگارين, روزىباكيەۆ كوشەلەرى ارقىلى كەسىپ وتەتىن جول اشىق بولادى.
كلوچكوۆ جانە رادوستوۆەتس كوشەلەرىنەن اباي داڭعىلىنا وڭتۇستىك باعىتتا بۇرىلاتىن جولدا 3 تامىز ساعات 23:00-دەن 5 تامىز 06:00-گە دەيىن قوزعالىس شەكتەلەدى», دەپ حابارلادى باسقارما.