قازاقستاننىڭ ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆانىڭ وزبەكستانعا ءىسساپارىنىڭ ناتيجەلەرى بويىنشا وزبەك تاراپىمەن شاردارا سۋ قويماسىنا سۋ اعىنىن - 200 م3/سەك دەيىن ۇلعايتۋ تۋرالى ۋاعدالاستىققا قول جەتكىزىلدى, دەپ حابارلايدى Egemen.kz اتالعان مينيسترلىكتىڭ رەسمي سايتىنا سىلتەمە جاساپ.
وسى جىلعى 28 شىلدەدەگى جاعداي بويىنشا ساعات 7:30-دان (تاشكەنت ۋاقىتى بويىنشا) «دوستىق» باس قۇرىلىسىنان سىرداريا وزەنىنىڭ تۇسىنا سۋ اعىزۋ كولەمى - 20 م3/سەك جۇزەگە اسىرىلدى. سۋدى اعىزۋ «اقجار» گيدروپوستىنا («باحري توچيك» سۋ قويماسىنا اعىن) اعىننىڭ ۇلعايۋى جانە تيىسىنشە سۋ قويماسىنان اعىننىڭ ۇلعايۋى ەسەبىنەن جۇزەگە اسىرىلادى.
سونىمەن قاتار وزبەك تاراپى «دوستىق» باس قۇرىلىسىنان سىرداريا وزەنىنىڭ تۇسىنا اعىزىلاتىن سۋ شىعىنىن 50 م3/سەك دەيىن جەتكىزۋگە نيەتتى.
سول كۇنى چارۆاك سۋ قويماسىنان (گازالكەنت گەس) وتكەن كۇنمەن سالىستىرعاندا (وسى جىلدىڭ 27 شىلدەسى) سۋ جىبەرۋ 290 م3/سەك-تەن 310 م3/سەك دەيىن ۇلعايتىلدى.
الايدا بۇل سۋ كولەمى سىرداريا وزەنىنىڭ بوگەتىندە سۋ اعىزۋدى جۇزەگە اسىرۋ ءۇشىن جەتكىلىكسىز جانە چيرچيك وزەنىنىڭ باسسەينىندە سۋارۋ قاجەتتىلىگى ءۇشىن سۋ شارۋاشىلىعى ارنالارى ارقىلى جىبەرىلەدى.
ايتا كەتسەك, وسى جىلعى 27 شىلدەدەگى جاعداي بويىنشا چارۆاك سۋ قويماسىنداعى سۋ كولەمى - 1936 ملن م3 (ەڭ جوعارعى كولەمى - 2006 ملن م3.).