مادەنيەت جانە سپورت مينيسترلىگى 3 بۋكمەكەرلىك كەڭسەنىڭ ليتسەنزياسىن سوت تارتىبىمەن جويۋدى كوزدەپ وتىر. جىل باسىنان بەرى زاڭنامانى بۇزعان 5 بۋكمەكەرلىك كەڭسەنىڭ قىزمەتى توقتاتىلدى.
ەستەرىڭىزگە سالا كەتەيىك, قازاقستانداعى بۋكمەكەرلىك كەڭسەلەر سانى
2 ەسە قىسقاردى. ماسەلەن, 2021 جىلدىڭ باسىندا ەلدە 38 بۋكمەكەرلىك كەڭسە جۇمىس ىستەسە, بۇگىندە ولاردىڭ سانى – 16. ال ونىڭ ىشىندە ءىس جۇزىندە جۇمىس ىستەيتىندەرى – 12.
بۋكمەكەرلىك كەڭسەلەردىڭ سانىن ازايتۋ ءۇشىن مادەنيەت جانە سپورت مينيسترلىگى ءتۇسىندىرۋ جۇمىستارىن جۇرگىزىپ وتىر. ناتيجەسىندە كەيىنگى 3 جىلدا بۋكمەكەرلىك كەڭسەلەر 15 ليتسەنزيانى ءوز ەركىمەن تاپسىرعان.
ء«مينيستردىڭ تاپسىرماسى بويىنشا وسى باعىتتاعى جۇمىس كۇشەيتىلەتىن بولادى. بۇگىنگى تاڭدا مادەنيەت جانە سپورت مينيسترلىگىنىڭ قاتىسۋىمەن ويىن بيزنەسى جانە لوتەرەيا قىزمەتى سالاسىنداعى زاڭناماعا 62 تۇزەتۋدى, سونداي-اق ىلەسپە نورماتيۆتىك-قۇقىقتىق اكتىلەردى كوزدەيتىن 3 زاڭ جوباسى ازىرلەندى. سونداي-اق ءبىز ويىن بيزنەسىنىڭ جارناماسىمەن كۇرەسۋ ءۇشىن زاڭنامالىق دەڭگەيدە تۇزەتۋلەرگە باستاماشى بولامىز», دەدى مادەنيەت جانە سپورت ۆيتسە-ءمينيسترى ەرجان ەركىنباەۆ.