سپورت

تەننيس باسى ءتاتتى, اياعى قاتتى وسى كۇندەرى فرانتسيادا تەننيستەن ءوتىپ جاتقان Rolland Garros تۋر­ني­رىندە وتانداسىمىز ياروسلاۆا شۆەدوۆا جارتىلاي فينالداعى جەكەلەي سىن­دا الەمنىڭ ءتورتىنشى راكەتكاسى ەلەنا يانكوۆيچتەن 7:5, 6:4 ەسەبىمەن ۇتىلىپ, جارىستان شىعىپ قالسا دا, ميكستە, ياعني, ارالاس جۇپتا اقتىق باسەكەگە بەرىلەتىن جولداما ءۇشىن وتكەن كەزدەسۋدە اۆستريالىق دجۋليان كنوۋل ەكەۋى نەمىس قىزى كريستوفەر كاسا مەن امەريكالىق ۆانيا كينگتى جەڭگەن ەدى. الايدا, فينالدا شۆەدوۆا ءارىپ­تەسىمەن بىرگە كاتەرينا سرە­بوتنيك پەن نەناد زيموندجيگكە قارسىلىق كورسەتە المادى. ءۇش سەتكە سوزىلعان باسەكەدە ياروسلاۆا اۆستريالىق تەننيسشى ەكەۋى ولارعا 6:4, 6:7, 9:11 ەسەبىمەن ەسە جىبەرىپ ال­دى. دەگەنمەن, قازاقستاندىق تەن­نيسشىسىنىڭ وسى جىلعى تۋر­نير­دە لايىقتى دەڭگەيدە ونەر كورسەتە العانىن اتاپ وتۋگە بولادى. ول بىل­تىرعى باسەكەنىڭ ءۇشىنشى اي­نا­لى­مىندا رەسەيلىك مارينا شا­را­پو­ۆادان جەڭىلسە, بيىلعى سىن­دا ءبىرتالاي قارسىلاستارىن جا­رىستان شىعارىپ, فينالعا دەيىن جەتتى. ال چەحيادا ءUnىcredىt Chech Open تۋرنيرىندە اندرەي گولۋبەۆ بەل­گيالىق وليۆەر روحۋستى جەڭىپ, جارتىلاي فينالعا جولداما الدى. ەندى ول جەرگىلىكتى تەننيسشى را­دەك شتەپانەكپەن باسەكەگە ءتۇ­سە­دى. تاعى ءبىر وتانداسىمىز ميحايل كۋكۋش­كين گەرمانيادا ءوتىپ جات­قان چەل­لەند­جەر تۋرنيرىندە رەسەي­لىك كونس­تانتين كراۆچۋكتى 6:2, 6:4 ەسەبىمەن جەڭىپ, شيرەك فينالعا شىقتى. بۇل سىندا ول نەمىس جۋ­لي­ان رەيستەرمەن كەزدەسەدى. كۇرەس جۇلدەگە قوماقتى سىياقى بۇگىن گرۋزيانىڭ تبيليسي قالاسىندا ەركىن جانە گرەك-ريم كۇرەسىنەن “گران-پري” حالىقارالىق ءتۋرنيرى باستالادى. الداعى دۇيسەنبىگە دەيىن سوزىلاتىن باسەكەگە 15 ەلدىڭ وكىلدەرى قاتىسىپ, بەلدەسۋگە نيەت ءبىلدىرىپ وتىر. ولاردىڭ اراسىندا قازاق بالۋاندارى دا بار. گرەك-ريم كۇرەسىنەن ۇلتتىق قۇراما مىنا قۇراممەن تبيليسيگە اتتاندى. ەڭ جەڭىل, ياعني 55 كيلو سال­ماقتا اسحات قۇدايبەرگەنوۆپەن ەربول قالىباەۆ بەلدەسەدى. 60 كي­لودا ەربول قوڭىراتوۆ, مارات كا­رىشالوۆ پەن نۇرباقىت تەڭىز­با­ەۆ جا­رىسقا قاتىسسا, دارحان باياح­مەتوۆ, ايبەك ەڭسەحانوۆ پەن شىڭ­عىس قايىرماعامبەتوۆ 66 كي­لودا سىنعا تۇسەدى. سونداي-اق, دوسجان قور­­تىقوۆ, رومان مەلەشين, جان­­­­دار­بەك قابدولوۆ, اسحات ءدىن­مۇ­­حا­مە­دوۆ 74 كيلودا كىلەمگە شىق­سا, ان­­د­رەي ساموحين, الزاحور ءوز­ديەۆ, جا­ڭابەرگەن قابدەشەۆ 84 كيلودا, ەر­­ۇلان ىسقاقوۆ 96 كيلودا بەلدەسەدى. ۇلتتىق قۇرامانىڭ باس باپكەرى مۇ­راتبەك قاسىمحانوۆتىڭ ايتۋ­ىن­شا, ماسكەۋدە جەكە باعدارلاما بوي­ىنشا جاتتىعىپ جۇرگەن كو­مان­دا­نىڭ مۇشەسى اسەت ءمام­بە­توۆ­تەن باس­قالارىنىڭ ءبارى گرۋزيا بوز كى­لەمىنە شىعادى. ويتكەنى, وسى تۋرنير الداعى كەزدە وتەتىن الەم چەمپيو­ناتى مەن جازعى ازيا وي­ىندارى, قازاقستان رەسپۋب­ليكاسى پرەزي­دەن­تى كۋبوگى جولىنداعى بەلدەسۋلەرگە دايىندىق رەتىندەگى باسەكە بولماق. ال ەركىن كۇرەستەن ەلىمىزدىڭ باس كومانداسى مىنا قۇراممەن تبيلي­سي كىلەمىندە كۇش سىناسادى. ەڭ جە­ڭىل, 55 كيلو سال­ماقتا داۋلەت نياز­بەكوۆ, 60 كي­لو­دا داۋرەن جۇما­عا­زيەۆ, ابىلاي تەل­تاەۆ بەلدەسەتىن بول­سا, اقجۇرەك تا­ڭاتاروۆ (66 كگ.), اب­دۋحاكىم ءشا­پي­ەۆ (74 كگ.), سەمەن سە­مەنوۆ (84 كگ.), ماريد مۋتاليموۆ (120 كگ.) ءوز سال­­­­ماق ءدا­رەجەلەرىندە ونەر كورسەتەدى. بۇل تۋرنير حالىقارالىق كۇرەس تۇرلەرى قاۋىمداستىعىنىڭ ۇيىم­داس­تىرۋىمەن جىل سايىن وتەتىن باسەكە بولعاندىقتان, ونىڭ جەڭىم­پازدارى مەن جۇلدەگەرلەرىنە قو­ماق­تى سىيلىق بەرىلەدى. “گران-پري” بەلدەسۋلەرىنىڭ ەكىنشى كەزەڭى سانالاتىن بيىلعى تۋرنيردە توپ جارعان بالۋاندارعا تاعى دا سىيا­قى بەرىلەدى دەپ كۇتىلۋدە. بوكس شىدامدىلىق شارشى الاڭدا شىڭدالادى 5 ماۋسىم كۇنى قوستانايدا بوكستان 1995-1996 جىلدارى تۋعان جاسوسپىرىمدەر اراسىندا ەل بىرىنشىلىگى جالاۋىن كوتەرەدى. ءبىر اپتاعا سوزىلاتىن باسەكەگە ەلىمىزدىڭ 14 وبلىسى مەن استانا جانە الماتى قالالارىنان 220 بىلعارى قولعاپ يەلەرى قاتىسىپ, 15 سالماق دارەجەسىندە باق سىناسادى. بيىلعى بىرىنشىلىككە وڭتۇستىك قازاقستان وبلىسى ەڭ كوپ بوكسشى اپارىپ وتىر. ولاردىڭ قۇرامىندا 26 بوكسشى بار. ودان باسقا جا­رىسقا استانا, الماتى قالالارى مەن قوستاناي, قاراعاندى, جام­بىل وبلىستارى 20 بوكسشىدان, ال­ماتى مەن شىعىس قازاقستان وب­لىس­تارى 15 سپورتشىدان, اتى­راۋ, پاۆ­لودار, ماڭعىستاۋ, قى­زىل­وردا, باتىس قازاقستان, اقمولا ءوڭ­ىرلەرى 10 ادامنان اكەلسە, اق­تو­بە مەن سول­­تۇستىك قازاقستان وب­لىس­تارى ءبىرىن­شىلىككە 7 بوكس­شى­دان قوسىپ وتىر. قازاقستان بوكس فەدەراتسيا­سى­نىڭ حابارلاۋىنشا, بيىلعى باسە­كەنىڭ نەگىزگى ماقساتى – 2011 جى­لى اس­تانادا جاسوسپىرىمدەر ارا­سىن­دا وتەتىن الەم چەمپيوناتىنا تا­لانت­تى جاس­تار­دى ىرىكتەۋ. وسى سىندا كوزگە تۇسكەن جەت­كىنشەكتەر الداعى كەزدە وقۋ-جات­تىعۋ جيىندا­رىنا شا­قىرىلادى. سو­نى­مەن بىرگە ولاردى بىلىكتى باپكەر­لەر­دىڭ قارا­ماعىنا جيناپ, ءتۇرلى حالىق­ارالىق تۋرنير­لەرگە قاتىستىرۋ دا كوز­دەلۋدە. داستان كەنجالين.