قتج ءبىرىنشى جارتىجىلدىعىنىڭ قورىتىندىسى بويىنشا شامامەن 600 كم تەمىر جول جوندەلدى. بۇل وتكەن جىلدىڭ سايكەس كەزەڭىمەن سالىستىرعاندا 100 كم ارتىق. ماگيسترالدىق جەلىدە بەلسەندى جوندەۋ جۇمىستارى جالعاسىپ جاتىر, دەپ حابارلايدى Egemen.kz.
بۇگىنگى تاڭدا مويىنتى – قاراعاندى – استانا ۋچاسكەسىندە جولدى جوندەۋ جۇمىستارى اياقتالدى. مۇندا كەشەندى جوندەۋ 2,5 اي بويى جۇرگىزىلدى. جۇمىستىڭ اۋقىمدى بولىگى اتقارىلدى.
76 كم جول بويىندا لاستانعان باللاستى تەرەڭ تازارتۋ جۇرگىزىلدى. سونىمەن قاتار 78 مىڭ ەسكى تەمىربەتون شپالدارى اۋىستىرىلىپ, باعىتتامالىق بۇرمالاردىڭ 22 جيىنتىعى توسەلدى. بۇدان باسقا رەلس بۋناقتارىنىڭ تۇتاستىعى بويىنشا 457 ورىن قالپىنا كەلتىرىلدى. ارنايى ماشينالاردى قولدانا وتىرىپ, 116 كم جولعا تۇزەتۋ جۇمىستارى جۇرگىزىلدى.
2023 جىلدىڭ سوڭىنا دەيىن بارلىعى 1 126 كم تەمىرجول ماگيسترالىن جوندەۋ جوسپارلانىپ وتىر, ونىڭ 557 كم - كۇردەلى.