پرەزيدەنت قاسىم-جومارت توقاەۆ «ورتالىق ازيا + شىعاناقتاعى اراب مەملەكەتتەرىنىڭ ىنتىماقتاستىق كەڭەسى» ءبىرىنشى سامميتىنە قاتىسىپ جاتىر, دەپ حابارلايدى Egemen.kz اقوردا ءباسپاسوز قىزمەتىنە سىلتەمە جاساپ.
«مەن, ەڭ الدىمەن, قوس كيەنىڭ ساقشىسى – كورول سالمان بەن ابدەلازيز ءال ساۋدقا جانە ساۋد ارابياسىنىڭ تاق مۇراگەرى, پرەمەر-ءمينيسترى مۇحاممەد بەن سالمانعا شىنايى العىسىمدى ايتامىن», دەدى پرەزيدەنت ءسوز باسىندا.
مەملەكەت باسشىسى بۇل تاريحي كەزدەسۋ ورتالىق ازيا جانە شىعاناقتاعى اراب مەملەكەتتەرىنىڭ باۋىرلاستىعى مەن دوستىعىنا جاڭا سەرپىن بەرەتىنىن اتاپ ءوتتى.
«بۇگىن «ورتالىق ازيا + شىعاناقتاعى اراب مەملەكەتتەرىنىڭ ىنتىماقتاستىعى كەڭەسىنىڭ» جوعارى دەڭگەيدەگى ءبىرىنشى سامميتىنە قاتىسىپ وتىرعانىما قۋانىشتىمىن. بۇل – مەن ءۇشىن زور مارتەبە. وسى تاريحي كەزدەسۋ ءبارىمىز ءۇشىن قاسيەتتى جەردە بىرلىك پەن ءوزارا قولداۋ جاعدايىندا ءوتىپ جاتىر. سونىڭ ارقاسىندا ەلدەرىمىزدىڭ باۋىرلاستىعى جانە دوستىعى نىعايا تۇسەتىنى ءسوزسىز», دەدى قاسىم-جومارت توقاەۆ.