جول جوندەلىپ جاتىر

جىل سايىن اۆتوموبيل جولىن كۇتىپ-ۇستاۋعا, اعىمداعى جوندەۋ جۇ­­مىسىن جۇرگىزۋگە قارجى ءبولىنىپ كە­لەدى. ماسەلەن, وتكەن جىلى اتىراۋ وب­لىسىنداعى جول ينفراقۇرىلى­مىن جاقسارتۋ ءۇشىن 35,8 ملرد تەڭگە ءبو­لىندى. قوماقتى قارجىنىڭ 4,8 ملرد تەڭگەسى جەرگىلىكتى بيۋدجەتتەن قا­رالىپ, وبلىستىق ماڭىزى بار 201 شاقىرىم اۆتوموبيل جولىنا جون­دەۋ جا­سالعان. سونىڭ ناتيجەسىندە 1 387 شا­قىرىم جولدىڭ جاعدايى جاق­­سى جانە قاناعاتتانارلىق دەڭگەيگە ­جەت­كى­زىلگەن. بۇل – وڭىردەگى جولدىڭ 72 %-ى.

وبلىس اكىمىنىڭ ورىنباسارى قاي­رات نۇرتاەۆتىڭ دەرەگىنە سۇ­يەن­­سەك, كولىك ينفراقۇرىلىمىن دا­مىتۋعا بايلانىستى جوسپارلى جۇ­مىستار بار. بيىل 32 ەلدى مەكەندەگى 120 شاقىرىمعا جۋىق اۆتوموبيل جولىن كۇردەلى جوندەۋدەن وتكىزىپ, قايتا جاڭعىرتۋ جۇمىستارىنا 22,9 ميلليارد تەڭگە بولىنگەن. قازىر يندەر – قاراباۋ – ميالى – ساعىز ارالىعىن جالعايتىن اۆتوموبيل جولىن جوندەۋدى اياقتاۋعا نازار اۋدا­رىلىپ وتىر. اسىرەسە يندەر-قارا­باۋ ارالىعىن جالعاپ جاتقان 87 شاقىرىم جولدى قايتا جاڭعىرتۋ كەزەك كۇتتىرمەيتىن مىندەتكە اينالعان.

«يندەر – قاراباۋ – ميالى – سا­عىز» اۆتوموبيل جولىن جاڭعىرتۋ­دىڭ بىرنەشە ماڭىزى بار. بىرىنشى­­­دەن, بۇل جولدىڭ تەزىرەك جاڭعىرتىل­عا­نىن اسىرەسە قىزىلقوعا اۋدانى­نىڭ ­30 مىڭنان استام تۇرعىنى كۇ­تىپ ­وتىر. ويتكەنى قىزىلقوعالىقتار­دىڭ ­ين­دەر مەن ماحامبەت اۋدانى­نا, اتى­راۋ قالاسى مەن باتىس قازاق­ستان وبلىسىنا قاتىناسى جەڭىلدەي­دى. ەكىنشىدەن, بۇل كاسىپكەرلىك جانە اۋىل شارۋاشىلىعى سالاسىنا تىڭ سەرپىن بەرەدى.

جاقىندا قىزىلقوعا اۋدا­نىن­داعى «ميالى-ويىل» اۆتوموبيل جو­لىنىڭ 18 شاقىرىمىن كۇردەلى جون­دەۋدەن وتكىزۋ قولعا الىندى. بۇل اۋداندا كۇردەلى جوندەۋدى كۇتىپ تۇر­عان تاعى ءبىر جول بار. بۇل – «ميا­لى مەن تايسويعان» اۋىلدارى ارا­لىعىنداعى 50 شاقىرىمدىق جول. وعان كۇردەلى جوندەۋ جۇرگىزەتىن مەردىگەر مەكەمەنى انىقتاۋ ءۇشىن اشىق كونكۋرس جاريالانعان.

– بيىل جەتى اۋداندا جولدى جون­دەۋ, جاڭعىرتۋ جۇرگىزىلگەلى وتىر. ماسەلەن, وبلىستىق ماڭىزى بار «قۇرمانعازى – پريمورە-ۋتەرى-كوتياەۆ» اۆتوموبيل جولىنىڭ 0-29 شا­قىرىمىنداعى ۋچاسكەسى كۇر­دەلى جوندەۋدەن وتكىزىلىپ جاتىر. قۇر­مانعازى اۋدانىنا قارايتىن «7-رازەزد – اسان – ازعىر – بالقۇدىق-سۇيىندىك» باعىتىنا قاتىنايتىن 36 شا­قىرىمىنا ورتاشا جوندەۋ جۇر­گىزىلۋدە. اۋداندىق ماڭىزداعى «اقكول – قىزىلوبا – 4-رازەزد – قيعاش» اۆتوموبيل جولىنىڭ 43 شاقىرىمىن قايتا جاڭعىرتۋ قولعا الىندى, – دەيدى قايرات نۇرتاەۆ.

ماحامبەت اۋداندىق تۇرعىن ءۇي-كوممۋنالدىق شارۋاشىلىعى, جولاۋ­شىلار كولىگى, اۆتوموبيلدەر جولدارى ءبولىمىنىڭ باسشىسى سىرىمبەت كەنجەباەۆتىڭ مالىمەتىنشە, جاقىن­دا 11,2 شاقىرىم اۋىلىشىلىك جول­دىڭ قۇرىلىسى باستالعان. جوبانىڭ قۇنى – 2 ميلليارد 488 ملن تەڭگە. ال مەردىگەرلىككە تاڭدالعان «تولاعاي 2050» جشس جۇمىستى 19 ايدا اياق­تاۋدى كوزدەپ وتىر.

«بۇل جوبا اۋدان ورتالىعىنداعى 19 كوشەنى قامتيدى. ونىڭ ىشىندە 500, 300 مەترلىك كوشەلەر بار. بيىل اتقارىلاتىن جۇمىسقا 500 ملن تەڭگە قارجى ءبولىندى. وسى قارجىعا ءۇش كوشەگە جول سالىنادى. بيۋدجەتتەن قوسىمشا قارجى بولىنسە, تاعى ەكى كوشەگە اسفالت توسەلەدى», دەيدى سىرىمبەت كەنجەباەۆ.

ونىڭ ايتۋىنا قاراعاندا, ما­حام­بەت اۋىلىندا 2 شاقىرىمدى قامتيتىن تاعى 14 كوشەگە جول سالىناتىن بولادى. بۇل جوبانىڭ جالپى قۇنى 2 ملرد 125 ملن تەڭگەنى قۇرايدى. بيىل وبلىستىق بيۋدجەتتەن ءدال وسى جوباعا 300 ملن تەڭگە قارجى قارالعان. تامىز ايىنا دەيىن مەردىگەر انىقتالسا, جوسپارلى جۇمىس باستالماق. جوبا اياسىندا تۇرعىندار ءۇشىن 7 ايالداما سالۋ كوزدەلگەن.

قۇرمانعازى اۋدانىنداعى اقكول, ءداشىن, زاتون ەلدى مەكەندەرىندە كىر­مە جانە اۋىلىشىلىك جول جوندەۋ­دەن وتەدى. شالعايداعى قىزىلقوعا اۋدا­نىنىڭ ساعىز, كەنباي, مۇقىر اۋىلدارىندا جول قايتا جاڭعىرتىلادى. اتالعان اۋدان ورتالىعى – ميالىدا اۋىلىشىلىك جولدى كۇردەلى جوندەۋ, ال ساعىز اۋىلىندا جول قۇرىلى­سى جالعاسىن تابادى. يندەر اۋدا­نىنىڭ ورلىك اۋىلىنداعى جول كۇر­دەلى جوندەلەدى. يساتاي اۋدانىندا تۇششىقۇدىق, يساتاي, زينەدەن, اققىستاۋ اۋىلدارىنىڭ اۆتوموبيل جولدارى قايتا جاڭعىرادى.

ءدال وسىنداي جۇمىستى جىلى­وي اۋدانىنىڭ ورتالىعى – قۇل­سارى قالاسىنداعى «اتىراۋ» شاعىن­اۋدانى مەن اقكيىزتوعاي اۋىلىندا جالعاستىرۋ جوسپارلانعان. اۋدان­دىق تۇرعىن ءۇي-كوممۋنالدىق شارۋا­شىلىق, جولاۋشىلار كولىگى, اۆتوموبيل جولدارى جانە تۇرعىن ءۇي ينس­پەكتسياسى ءبولىمىنىڭ باسشىسى ەرجان حاينوللاەۆتىڭ دەرەگىنشە, جاڭا شاعىناۋداندا جول سالۋ جۇمىسى 2021 جىلدىڭ تامىزىنان بەرى جالعاسىپ كەلەدى. قۇرىلىس ماتەريالدارىنىڭ قىمباتتاۋىنا بايلانىستى جوباعا تۇزەتۋ ەنگىزىلگەن.

«مۇندا 24 كوشەگە 22,1 شاقى­رىم كولىك جانە جاياۋ جۇرگىنشىگە ارنال­عان جول سالىناتىن بولادى. بۇل جۇمىستاردى «اتىراۋينجستروي» جشس اتقارادى. جوبا قۇنى – 7,2 مرلد تەڭگە. قۇرىلىس جۇمىستارى جىل سوڭىنا دەيىن اياقتالادى. قازىر 22 كوشە تولىقتاي تەگىستەلىپ, قۇم, قيىرشىق تاس, ءبىر كوشەگە اسفالت جابىندىسىنىڭ ءبىرىنشى قاباتى توسەلدى», دەدى ە.حاينوللاەۆ.

ماقات اۋداندىق تۇرعىن ءۇي-كوم­مۋنالدىق شارۋاشىلىق, جولاۋشىلار كولىگى جانە اۆتوموبيل جولدارى ءبولىمىنىڭ باسشىسى تەمىربەك ءىڭىربايدىڭ ءمالىم ەتكەنىندەي, «دوسسور كەنتىندەگى 23,6 شاقىرىم اۆتوكولىك جولىن سالۋ» جوباسى باستالعان. بيىل مۇنايشىلار مەكەنىندە 10,4 شاقىرىم كولىك, 5,6 شاقىرىمعا جاياۋ جۇرگىنشى جولى سالىنباق. تۇر­عىندار ءۇشىن ماڭىزدى جۇمىستى «اتىراۋينجسترويكازسەرۆيسگرۋپپ» جشس جىل سوڭىنا دەيىن اياقتاۋدى مىندەتىنە العان.

«بۇل كولىك ينفراقۇرىلىمىن دا­مىتىپ, وبلىستىق جانە اۋداندىق ما­ڭىزداعى جولداردىڭ جاقسى جانە قاناعاتتانارلىق دەڭگەيىن 76%-عا جەتكىزەدى. ەڭ باستىسى تۇرعىندار­دىڭ الەۋمەتتىك احۋالىن جاقسار­تۋ­عا, اۋداندار مەن ەلدى مەكەندەردەگى كاسىپكەرلىك, اۋىل شارۋاشىلىعى سالالارىن وركەندەتۋ ءىسى كەڭ قانات جايادى», دەيدى وبلىس اكىمىنىڭ ورىنباسارى قايرات نۇرتاەۆ.

اتىراۋ وبلىسى