حالىق ۇنىنە قۇلاق استى

جاڭا عيماراتتى پايدالانۋعا بەرۋ ۋاقىتى – 2024 جىلدىڭ تا­مىز ايىنا جوسپارلانعان. جو­بانىڭ جالپى قۇنى – 7 ملرد تەڭگە. قازىرگى ۋاقىتتا قۇرىلىس جۇ­مىستارى قارقىندى ءجۇرىپ جاتىر. «مەكتەپ قۇرىلىسىنا ءبىز تولىقتاي وتاندىق ونىمدەردى پايدالانىپ جاتىرمىز. جەرگىلىكتى دەپۋتاتتار نىسان باسىنا اپتا سايىن كەلىپ, قۇرىلىس بارىسىن باقىلاپ وتىر. عيمارات كەلەر جىلدىڭ سوڭىنا قاراي تولىعىمەن پايدالانۋعا بەرىلەدى», دەدى «Bazis construction» جشس-ءنىڭ وكىلى.

قۇرىلىس الاڭىن ارالاپ كورگەن دەپۋتاتتار بىرقاتار ماسەلەگە نازار اۋداردى. «مەردىگەرلەر مەكتەپتى ۋاقىتىندا سالىپ بىتۋگە ءتيىس. ارينە, ءبىرىنشى كەزەكتە قۇرى­ل­ىس ساپاسى تالاپقا ساي بولسا دەيمىز. سونىمەن بىرگە قاجەتتى قۇ­رال-جابدىقتارمەن قامتاماسىز ەتىلۋىن, بارلىق ستاندارتقا ساي بو­لۋىن تۇراق­تى باقىلاۋدا ۇستاۋ قاجەت», دەدى ماكسيم روجين.

جاڭا وقۋ ورداسىندا بالا­لاردىڭ ساپالى ءبىلىم الۋىنا بارلىق جاعداي جاسالماق. مەك­تەپتە وقۋ كابينەتتەرىمەن قاتار, سپورت زالى, ءماجىلىس زالى, اسحانا, كومپيۋتەرلىك سىنىپتار بولادى.

ءماجىلىس دەپۋتاتتارى جەر­گىلىكتى اكىم­دىك­كە مەملەكەت قار­جىسىنا سالىنىپ جات­قان نى­سان­نىڭ ساپاسىنا ەرەكشە ءمان بەرۋدى تاپسىردى. سونداي-اق سالا باس­شىلارىنىڭ وتىنىشتەرىنە قۇ­لاق ءتۇرىپ, كۇن تارتىبىندەگى ماسە­لەلەردى نازارعا الاتىندارىن جەتكىزدى. ءبىلىم مەكەمەلەرىندە سا­نيتارلىق جابدىقتاردىڭ تولىق بولۋى مەن تالاپتاردىڭ قاتاڭ ساقتالۋى كەرەك ەكەنىن ەسكەرتتى.

ساپار بارىسىندا دەپۋتات­تار ۇلتتىق ۇلاننىڭ قاراكەمەر كەن­تىندە ورنالاسقان 6654 اسكەري ءبو­لىمى ساربازدارىمەن دە كەز­دەستى. «Amanat» پارتياسىنىڭ «حالىقپەن بىرگە!» باعدارلاماسىن جۇزەگە اسىرۋ ماقساتىندا اسكەري ءبولىم­نىڭ تىنىس-تىرشىلىگىمەن تا­نىسىپ, جەكە قۇرامنىڭ حال-احۋال­ى مەن جاعدايىن ءبىلدى. ءبولىم كومانديرى جاندوس قاسىموۆ قوناقتارعا اسكەري قالاشىقتىڭ تىنىس-تىرشىلىگى, ءبولىم قىزمەتشى­لەرىنىڭ جاۋىن­گەر­لىك مىندەتتەرى مەن تۇرمىسى تۋرالى باياندادى. ونىڭ ايتۋىنشا, مۇندا ساربازدارعا بارلىق جاعداي جاسالعان. ەلى­مىزدىڭ ءار تۇكپىرىنەن كەلگەن جاۋىن­گەر جاستار 27 ماماندىق بويىنشا وقىتىلادى. سونىمەن قاتار بىلتىردان باستاپ اس­كەري بولىمدە كولىك جۇرگىزۋدى ۇي­رەنىپ, «D» كاتەگورياسىنىڭ جۇر­گىزۋشىسى كۋالىگىن الۋعا مۇم­كىن­دىگى بار.

«ەل قاۋىپسىزدىگىن قامتاماسىز ەتۋ ءۇشىن اسكە­رىمىز الەۋەتتى بولۋى كەرەك. جا­قىندا شەكارالىق ايماق­تاعى اسكە­ري­لەرمەن كەزدەستىك. بارلىعىنا بىردەي جاعداي جاسالماعان. ءبىز ولاردىڭ ماسە­لە­لەرىن بيلىككە جەت­كىزىپ, وڭ شەشىم تابۋىنا بارىنشا كۇش سالامىز. ويتكەنى كۇش­تىك قۇرىلىمعا قاشان دا ايرىقشا كوڭىل ءبولىنۋى قاجەت», دەدى ماقسات تولىقباي. سونىمەن قاتار, ول اسكەري قىزمەت­شى­لەر­دىڭ جا­لاقىسىن كوتەرۋ جانە ادام باسىنا تولەنەتىن پاتەراقى ماسەلەسى دە كۇن تارتىبىندە تۇرعاندىعىن, ونىڭ دەپۋتات­تار نازارىنان تىس قال­مايتىنىن اتاپ ءوتتى.

بۇدان كەيىن ءماجىلىس دەپۋتاتتارى ەسىك قالاسى جانە تاشكەنساز اۋىلىنىڭ تۇرعىندارىمەن دە كەزدەسىپ, ولاردىڭ ءوتىنىش-تىلەك­تەرىن تىڭدادى. تۇرعىندار سايا­جايلارعا اۋىل مارتەبەسىن بەرۋ تۋرالى وزەكتى ماسەلەنى ورتاعا سا­لىپ, ۇسى­نىس­تارىن جەتكىزدى. كەي ساياجايلاردا سۋ قۇبىرى مەن اسفالتتىڭ جوقتىعى دا كۇرمەۋى قيىن پروبلەما بولىپ تۇرعانىن قۇلاققاعىس ەتتى. دەپۋتاتتار تۇر­عىندار تىلەگىن تىڭداپ, ءار ماسە­لەنىڭ ۋاقىتىلى شەشىمىن تابۋىنا كۇش سالاتىنىن ايتتى. دەپۋ­تاتتار ساپار بارىسىندا اۋدان ورتالىعىنداعى ءورت ءسوندىرۋ ءبو­لىمىن ارالاپ, ولاردىڭ جۇمىس­ىمەن دە تانىس­تى.

الماتى وبلىسى