ەلوردالىق كولىك جانە جول-كولىك ينفراقۇرىلىمىن دامىتۋ باسقارماسى كەنەسارى كوشەسىندە جول توسەمىنە جوندەۋ جۇرگىزەدى, دەپ حابارلايدى Egemen.kz استانا اكىمدىگىنىڭ ءباسپاسوز قىزمەتىنە سىلتەمە جاساپ.
جۇمىس جول قوزعالىسى قاۋىپسىزدىگىن قامتاماسىز ەتۋ ماقساتىندا قالانىڭ اكىمشىلىك پوليتسيا باسقارماسىنىڭ كەلىسىمى بويىنشا جۇرگىزىلۋدە.ورتاشا جوندەۋ جۇمىسىنا بايلانىستى 14-16 شىلدە ارالىعىندا كەنەسارى كوشەسىنىڭ ا.يانۋشكەۆيچ كوشەسىنەن ە.برۋسيلوۆسكي كوشەسىنە دەيىنگى ۋچاسكەسىندە كولىك قوزعالىسى تولىعىمەن جابىلادى.
سونداي-اق LRT جەلىسى قۇرىلىسىنىڭ اۋماعىن دايىنداۋ شەڭبەرىندە سىعاناق كوشەسىنىڭ بويىندا مينيسترلىكتەر ءۇيى مەن «قازاقستان» وكز اۋدانىندا ينجەنەرلىك جەلىلەردى قايتا ورناتۋ جۇمىسى ءجۇرىپ جاتقانى قوسا حابارلاندى.
وسىعان بايلانىستى 2023 جىلدىڭ 10 شىلدەسىنەن 15 تامىزىنا دەيىن سىعاناق كوشەسىنەن ەسىل وزەنى ارقىلى وتەتىن كوپىر اۋدانىندا «قازاقستان» وكز جانە مينيسترلىكتەر ءۇيى جاعىنا قاراي كولىك قوزعالىسىنا ءىشىنارا شەكتەۋ ەنگىزىلەدى.«ەلوردا تۇرعىندارى مەن قوناقتارى قالا جولدارىندا كەپتەلىس تۋدىرماس ءۇشىن قوزعالىس باعىتىن الدىن الا جوسپارلاۋى قاجەت», دەلىنگەن حابارلامادا.