الماتىداعى بورالداي تاس جولى بويىندا سۋ قۇبىرى مەن كارىز جەلىلەرىن تارتۋعا بايلانىستى كولىك قوزعالىسى ءبىر ايعا جۋىق ۋاقىتقا شەكتەلەدى, دەپ حابارلايدى Egemen.kz.
بورالداي تاس جولىنىڭ الاتاۋ اۋدانىنداعى بارىس كوشەسىنەن جاۋجۇرەك كوشەسىنە دەيىنگى بولىگى 5 شىلدەدەن 3 تامىزعا دەيىن جابىلادى. بۇل تۋرالى الماتى قالاسىنىڭ ەنەرگەتيكا جانە سۋمەن جابدىقتاۋ باسقارماسى حابار تاراتتى.
شەكتەۋ 3,5 شاقىرىم سۋ قۇبىرى مەن 2,8 شاقىرىم كارىز جەلىسىن تارتۋ جۇمىستارىنا بايلانىستى قويىلىپ وتىر. كوممۋنيكاتسيا قۇرىلىسى اياقتالعاندا سۋ قۇبىرى مەن كارىز جۇيەسىنىڭ ۇزدىكسىز جۇمىسى الاتاۋ ءوڭىرىنىڭ 2500 تۇرعىنىن قامتاماسىز ەتەدى.
بيىل قالا بيلىگى 20 نىساندا 108,4 شاقىرىم سۋ قۇبىرى جانە كارىز جەلىسىن (81,1 شاقىرىم سۋ قۇبىرى جانە 27,3 شاقىرىم كارىز) سالۋدى جوسپارلاپ وتىر. بۇل حالىقتىڭ ورتالىقتاندىرىلعان سۋمەن قامتاماسىز ەتىلۋىن 99,2 پايىزعا دەيىن ارتتىرادى.