استانا قالاسىنىڭ 25 جىلدىعىنا وراي «ەكسپو» حالىقارالىق كورمە ورتالىعى اۋماعىندا «ەلوردا بازارى» شىعىس جارمەڭكەسى وتەدى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
«ەلوردا بازارى» شىعىس جارمەڭكەسىندە قالا تۇرعىندارىن ەلىمىزدىڭ ءار وڭىرىنەن كەلگەن ۇزدىك فەرمەرلىك شارۋاشىلىقتار مەن تاۋار وندىرۋشىلەردىڭ ەڭ ءتيىمدى باعاداعى جاڭا ونىمدەرى كۇتەدى.
سونىمەن قاتار ەلىمىزدىڭ ەڭ مىقتى ديزاينەرلەرى مەن قولونەرشىلەرى ەتنو ستيلدەگى جيناقتارىن, زەرگەرلىك جانە كەراميكالىق, كيىزدەن جانە جىبەكتەن جاسالعان بۇيىمدارى مەن كادەسىيلارىن ۇسىنادى.
مەرەكەگە وراي بارلىق ونىمدەرگە ۇلكەن جەڭىلدىكتەر بولادى جانە جۇرتشىلىققا ارناپ كوشە تاعامدارى دايىندالادى.
جارمەڭكە 5-7 شىلدە كۇندەرى ساعات 9:00-دەن 18:00-گە دەيىن جۇمىس ىستەيدى.