جەتىسۋ وبلىسىنىڭ اقسۋ اۋدانىندا بالاباقشا بۋحگالتەرى وزىنە جوعارى جالاقىنى زاڭسىز تولەپ كەلگەن. وسىلايشا ول 40 ملن تەڭگەگە جۋىق بيۋدجەت قاراجاتىن ۇرلادى دەگەن كۇدىككە ءىلىندى, دەپ حابارلايدى Egemen.kz باس پروكۋراتۋراعا سىلتەمە جاساپ.
جىمقىرۋ فاكتىسى شتات كەستەسى مەن بانكتىك شوتتاردى سالىستىرۋ كەزىندە انىقتالدى. وندا ءتيىستى جالاقى مەن ناقتى تولەنگەن قاراجات اراسىنداعى ايىرماشىلىقتار بايقالعان.
وسى فاكتى بويىنشا پروكۋراتۋرا قىلمىستىق كودەكستىڭ 189-بابى 4-بولىگى 2-تارماعى بويىنشا سوتقا دەيىنگى تەرگەپ-تەكسەرۋدى باستادى.
ءىستى جەتىسۋ وبلىسى پروكۋراتۋراسىنىڭ سوتقا دەيىنگى تەرگەپ-تەكسەرۋ باسقارماسى تەكسەرىپ جاتىر. وسى باپتىڭ سانكتسياسى بەلگىلى ءبىر لاۋازىمداردى اتقارۋعا نەمەسە بەلگىلى ءبىر قىزمەتپەن اينالىسۋعا تىيىم سالا وتىرىپ, 12 جىلعا دەيىن باس بوستاندىعىنان ايىرۋدى كوزدەيدى.