ماڭعىستاۋ وبلىسى قاراقيا اۋدانىنداعى «جاسىل» سۋتەگى وندىرەتىن زاۋىتتىڭ قۇرىلىسى اياسىندا گەرمانيانىڭ فەدەرالدى پرەزيدەنتى فرانك-ۆالتەر شتاينمايەر مەن قازاقستان پرەمەر-ءمينيسترى ءاليحان سمايىلوۆتىڭ قاتىسۋىمەن بۇرعىلاۋ جۇمىستارىن ىسكە قوسۋ ءراسىمى ءوتتى.
جوبانى تانىمال Svevind نەمىس كومپانياسى ەۋروپالىق كەڭەس پرەزيدەنتى شارل ميشەلدىڭ وتكەن جىلدىڭ قازان ايىندا قازاقستانعا ساپارى كەزىندە قول قويىلعان ينۆەستيتسيالار تۋرالى كەلىسىم اياسىندا جۇزەگە اسىرۋدا. جوبا بويىنشا ماڭعىستاۋدا جالپى قۋاتى 40 گۆت بولاتىن كۇن جانە جەل ستانسالارىن سالۋ جوسپارلانىپ وتىر. بۇل جىلىنا 2 ملن تونناعا دەيىن «جاسىل» سۋتەگى نەمەسە 11 ملن توننا «جاسىل» اممياك وندىرۋگە مۇمكىندىك بەرەدى. گەولوگيالىق بۇرعىلاۋ جۇمىستارىنىڭ باستالۋى جوبانى دامىتۋدىڭ جاڭا كەزەڭگە كوتەرىلگەنىن بىلدىرەدى – بۇل جەراستى جىنىستارىن تەرەڭىرەك تالداۋ جانە ودان كەيىنگى كەزەڭدەردى پىسىقتاۋ ءۇشىن ماڭىزدى مالىمەتتەر الۋعا جاعداي جاسايدى. جالپى, جوبانىڭ ارقاسىندا قازاقستان سۋتەگى نەمەسە اممياكتىڭ ءىرى كولەمىن ەۋروپا جانە ازيا نارىقتارىنا جەتكىزۋ بويىنشا مۇمكىندىكتەرىن ارتتىرادى, سونداي-اق ەل ەكونوميكاسىنىڭ ەكولوگيالىق تازا ادىستەرگە كوشۋىن جەدەلدەتەدى.
Svevind كومپانياسىنىڭ باسشىسى ۆولفگانگ كروپپتىڭ ايتۋىنشا, الەمدە «جاسىل» سۋتەگىن ءوندىرۋ بويىنشا مۇنداي اۋقىمدا بىردە-ءبىر جوبا ءالى جۇزەگە اسىرىلماعان.
سونىمەن قاتار كاسىپورىنعا ءتۇرلى جۇمىستار جۇرگىزۋگە بەرىلگەن اۋماقتى ارالاۋ كەزىندە مارتەبەلى قوناقتاردىڭ قاتىسۋىمەن Genesis كونسالتينگ كومپانياسى – فرانتسيالىق Technip Energies ينجەنەرلىك-تەحنيكالىق جانە تەحنولوگيالىق كومپانياسىنىڭ ەنشىلەس فيرماسىمەن الدىن الا جوبالاۋ-ىزدەستىرۋ جۇمىستارىن (pre FEED) جۇرگىزۋگە كەلىسىم-شارتقا قول قويىلدى. بۇل زەرتتەۋلەر ماڭىزدى تەحنولوگيالىق شەشىمدەر قابىلداۋعا جانە زاۋىت قۇرىلىسىن ەگجەي-تەگجەيلى جوسپارلاۋعا كومەكتەسەدى.