ەلوردادا ۇلتتىق اگروقوزعالىستىڭ ۇيىمداستىرۋىمەن «مالشىلار كۇنى» مەرەكەسىنە وراي «جىل قورىتىندىسى» اتتى دوڭگەلەك ۇستەل ءوتتى. بۇل تۋرالى «Egemen Qazaqstan» گازەتىنىڭ ءتىلشىسى جومارت وسپان «مالشى مەرەيى – اۋىل ابىرويى» اتتى اقپاراتتىق ماتەريالىندا جازعان.
«مالشىلار كۇنى» مەرەكەسىنىڭ باستى ماقساتى – مال شارۋاشىلىعى سالاسىنداعى ازاماتتاردىڭ مارتەبەسىن كوتەرۋ, ولاردى ەڭبەكتەگى جەتىستىكتەرى ءۇشىن كوتەرمەلەۋ, اۋىل شارۋاشىلىعىن دامىتۋ», دەدى مەرەكە يدەياسىنىڭ اۆتورى جانە ۇيىمداستىرۋشىسى, ۇلتتىق اگروقوزعالىس توراعاسى الماسبەك سادىرباي.
سوڭعى ۋاقىتتا ەلىمىزدە مال شارۋاشىلىعى قارقىندى دامىپ كەلەدى. مال باسى جىلدان جىلعا كوبەيىپ جاتىر.
ماقالا اۆتورىنىڭ جازۋىنشا, 2022 جىلدىڭ وزىندە ءىرى قارا مال سانى – 4,2%-عا, قوي – 4,8%-عا, جىلقى – 10,5%-عا, تۇيە – 6,5%-عا, قۇس سانى 4%-عا ارتتى. قازىرگى تاڭدا رەسپۋبليكانىڭ اوك جالپى ءونىمىنىڭ شامامەن 40%-ى مال شارۋاشىلىعىنىڭ ۇلەسىنە تيەسىلى.
سونىمەن قاتار مال باسىن جانە مال شارۋاشىلىعى ونىمدەرىن ۇلعايتۋ ءۇشىن بيىل 108 ملرد تەڭگە ءبولىنىپ وتىر.
مەرەكە اياسىندا بىرقاتار شارۋا قوجالىعىنىڭ جەتەكشىلەرى اۋىل شارۋاشىلىعى مينيسترلىگىنىڭ «ەڭبەك ارداگەرى», «اۋىل شارۋاشىلىعىنىڭ ۇزدىگى» توسبەلگىلەرىمەن ماراپاتتالدى.
ايتا كەتكەن ءجون, مال شارۋاشىلىعىن دامىتۋ – ۇلتىمىزدىڭ التىن تامىرى سانالاتىن الىس اۋىلداردى دامىتۋ, اتامەكەن – دارقان دالانى تۇلەتۋ.