ءتىلسىز جاۋمەن كۇرەس تولاستامايدى

ارينە, ەلدىڭ وڭتۇستىك ولكەسى ءۇشىن بۇل قالىپ­تى جاعداي. دەي­تۇر­عانمەن كۇننىڭ قاتتى ىسىپ كە­تۋى كەي جاعدايدا ادامنىڭ ومىرىنە قا­ۋىپ­-قاتەر اكەلۋى مۇمكىن. بى­رىن­­­شىدەن, جۇرەگى اۋىرا­تىن, قان­ قىسىمى ءجيى كوتەرىلەتىن ناۋ­قاس­تار مەن قارت كىسىلەر اپتاپ ىس­تىقتا دەنساۋلىقتارى سىر بە­رىپ­, قينالىپ قالاتىندارى بار. ەكىن­شىدەن, كۇننىڭ كوزى ك ۇلىمدەپ, دە­نەنى قىزدىرىپ جاتقان شاقتا بالا­لاردى ۇيدە ۇستاپ وتىرۋ وتە قيىن. كەيدە اتا-انالارىنا نەمە­سە ۇلكەندەرگە ەسكەرتپەي, شومى­لۋعا رۇقسات ەتىلمەگەن وزەن, توعان­دار­عا كەتىپ قالادى. قازىر­دىڭ وزىندە كۇن سايىن ۇيا­لى تەلە­فونعا «سۋ ايدىندارىندا بالالاردى ەرە­سەكتەردىڭ قارا­ۋىن­س­ىز قالدىرماڭىزدار!», «بەل­­گى­لەن­بەگەن ورىنداردا شومىلۋعا تى­يىم سالى­نادى!» دەگەن حابار­لا­مالار كەلىپ جاتادى. وعان قو­سا مي قايناتار ىستىقتا جۇرت­تىڭ ءبارى ۇيىن­دە, مەكەمەلەردە سالقىن­­داتقىش قوسادى. ونىڭ ءوزى مەگاپوليستىڭ ەلەكتر ەنەرگياسى جۇيە­سىنە تۇسەر ارتىق سالماق. سونى­مەن بىرگە كۇن قى­زۋىنىڭ كوتە­رىلۋى وڭىردە ءورت قاۋىپسىزدىگى ماسە­­لەسىن كۇن تارتىبىنە شىعارىپ وتىر. قازىر قۋرا­عان شوپكە ءبىر ۇش­قىن تيسە ءبىتتى الاپات ورت­كە ۇلا­سا­تىن مەزگىل بولىپ تۇر. سون­دىقتان ءتيىس­تى ماماندار مۇن­داي­ كەزدە اسا ساق بولۋعا, ءورت قاۋىپ­سىز­دى­گى تالاپتارىن بارىنشا قاتاڭ ساق­تاۋ­عا شاقىرادى.

وسى جاعدايعا بايلانىستى جۋىر­دا شىم­كەنت­ قالاسى اكىم­دى­گىنىڭ اقپاراتتىق-كوم­مۋني­كا­­تسيا­لىق ورتالىعىندا توتەنشە جاع­دايلار دەپار­تامەنتىنىڭ باس­تى­عى ماديار جاقسىباەۆ ار­نايى جيىن­ وتكىزىپ, ءورت جاعدايىنىڭ ال­دىن الۋ­ جانە بولدىرماۋ ماق­سا­تىندا جەرگىلىكتى بي­لىك تاراپىنان قان­داي­ شارالار اتقارىلىپ جات­­قا­نىن­ جانە الداعى جوسپارلارى تۋرا­لى بايان­داعان ەدى.

ماسەلەن, ايماقتىڭ كونتينەنتالدى كليما­تىن ەسكەرە وتىرىپ, وسى كۇندە شاھاردىڭ تو­تەنشە جاع­دايلار دەپارتامەنتى ءورت قاۋىپ­سىز­دى­گى­نىڭ ورىن الۋىنا مۇم­كىندىگىنشە جول بەرمەۋ ءۇشىن ور­مان شارۋاشىلىقتارىنىڭ, جەر­گىلىكتى ات­قارۋشى, ازاماتتىق قور­عاۋ­ جانە باسقا دا ورگان­داردىڭ اپات­قا قارسى جۇمىستارىن سارالا­دى­. ياعني ولار ء«ورتتى سوندىرۋگە قانشالىقتى ءازىر­ جانە الدىن الۋ ءىس-شارالارىن ىسكە اسىرۋعا دا­يىن با؟» دە­گەن ماسەلەلەر توڭىرەگىندە وي قوز­عاپ,­ ءالسىز جاقتارىن پى­سىق­­­تاپ, ءتيىستى ارەكەت جا­ساۋ­عا ازىر­لىك­تە­رىن اڭگىمەلەپ بەردى.

بريفينگتىڭ باس سپيكەرىنىڭ اي­تۋىن­شا, قالا اۋماعىندا جالپى اۋدانى 12 980 گەكتاردى قۇراي­تىن ەگىستىك القابى بار. 60 شا­رۋا قوجالىعى جانە جالپى كو­لەمى 6 مىڭ 286 گەكتارعا تەڭ "جا­سىل بەلدەۋ" مەن تۇركىستان وبلى­سىنا قاراستى «بادام» ورمان شارۋاشىلىعى وسى اتالعان اۋ­ماقتا ورنالاسقان. وسى كەزگە دە­يىن ورمان جانە دالا ورتتەرىنىڭ الدىن الۋ ماقساتىندا جالپى رەسپۋبليكالىق ماڭىزى بار جانە جەرگىلىكتى ماندەگى اۆتوموبيل جول­دارىنىڭ بويىندا, سونداي-اق ورمان قورى اۋماعى مەن ەگىستىك القاپتارىندا ورتكە قارسى مي­نە­رال­­دى جولاق جىرتۋ جۇمىس­تارى جۇر­گىزىلىپتى. قالىڭ اعاش وسكەن اي­ماقتا ءورتتىڭ بولۋىن­ تۋدىرماۋ ءۇشىن ورمان شارۋا­شىلىقتارى جا­لىندى اۋىز­دىقتايتىن بارشا تەحنيكا مەن كەرەك-جاراقتى قۇرالدارمەن قام­تا­­ماسىز ەتىلگەن. ونىڭ ىشىندە ءورت سون­دىرەتىن كولىكتەر, موتوپوم­پا­ سە­كىلدى تەحنيكالار بار.

سونىمەن بىرگە ورمان جانە دالا ورتتەرى ورىن الىپ قالعان جاعدايدا, ولاردى دەر كەزىندە ءسوندىرىپ ۇلگەرۋ ەڭ باستى مىندەت سانالادى. سوندىقتان تالاپقا سايكەس ءورت سوندىرەتىن ەرىكتىلەردەن جاساقتالعان 42 توپ قۇرىلىپ, قۇرامىنداعى 405 ادام جو­عارى دايىندىققا كەلتىرىلدى. بۇدان باسقا بەيىمدەلگەن قوسالقى تەح­نيكالارمەن جانە ارنايى قول قۇرال­دارىمەن قامتاماسىز ەتىلدى. تج دەپارتامەنتىندە دە تەحنيكا­دان­ بولەك جەكە قۇرامداعى 84 ادام­ ء«تىلسىز جاۋمەن» كۇرەسۋگە ساقا­د­­اي-ساي.

قالا اۋماعىندا جىل باسىنان بەرى 62 ءورت وقيعاسى تىركەلىپتى. سو­نىڭ­ سالدارىنان 124 ملن 952 مىڭ تەڭگەنىڭ ماتەريالدىق شىعىنى كەل­تىرىلگەن. قىزىل جالىن شار­پى­عان نىسان, اۋماقتاردىڭ 79 پا­­يىزى تۇرعىن ءۇي سەكتورىنا, 33 پايىزى كولىكتەرگە تيەسىلى. سو­نى­مەن قاتار ءورتتىڭ قاۋىپتى كەزەڭى باستالعالى بەرى 412 جانۋ دەرەگى تىركەلگەن. ونىڭ ىشىندە 125 جاع­دايدا قۇرعاق ءشوپ جانسا, 77 مار­تە­ قوقىس ورتەنگەن.

باس سپيكەر كازگيدرومەت ۇسىن­­­عان بولجامعا سايكەس الداعى ۋا­قىت­تا اۋا تەمپەراتۋراسىنىڭ كۇرت­ كوتەرىلەتىنىنە نازار اۋدار­دى.­ وسى رەتتە مامان «101», «112» قىز­مەتىنە قۇرعاق ءشوپتىڭ نە­مەسە قو­قىستىڭ جانىپ جات­قا­نى تۋرالى­ كۇن سايىن 20-30 قوڭىراۋدان كەلىپ تۇسەتىنىن ما­لىمدەدى. بۇل جەردە ءشوپتىڭ ور­ت­ەنۋى جاقىن ماڭايداعى عيما­رات­تارعا ءبىرىنشى كەزەكتە قاۋىپ تون­دى­رە­تىنىن ەسكەرتتى.

«ماسەلەن, جاز شىققالى قۇر­عاق­ شوپ­تەن­­ وت تۇتانۋ دەرەكتەرى جيى­لە­گەن. سونىڭ كەسى­­رى­­نەن لاۋلاعان وت مەگاپوليس تۇرعىنى, جە­كە كا­سىپ­كەر ءشاريپوۆتىڭ يەلىگىندەگى قوي­م­ا عيماراتىنا دەيىن بارىپ, 300 مىڭ تەڭگە كو­لە­مىندە ماتە­ريال­دىق­ شىعىنعا باتىردى. سو­نىمەن قاتار دەپار­تامەنتتىڭ كەزەكشى-ديس­پەت­چەرلىك قىزمەتىنىڭ «101» پۋلتىنە 2023 جىل­عى 6 ماۋ­­سىمدا ساعات 14:48-دە شا­ھار­دىڭ تۇ­ر­ان اۋدانى تەمىرلان تاس­جولى بويىنداعى «اۆتو­نۇر» ايال­داماسىنىڭ جانىندا تۇرعان ترانس­­فورماتور مەن دۇڭگىرشەكتىڭ وتقا ورانىپ جات­قا­نى تۋرالى حابار­لاما كەلىپ تۇسەدى. وقيعا ور­نى­نا دەرەۋ جەتىپ كەلگەن ءورت سوندىرۋشىلەر شى­نىمەن دە ترانس­فورماتور مەن ساۋدا نۇكتە­سى­ن­ىڭ جانىپ جاتقانىن كورەدى. شۇعىل ارەكەت ەتۋ­دىڭ ناتيجەسىندە جالىننىڭ تارالىپ كەتۋىنە جول بەرىلمەي, ساعات 15:06-دا ءورت تولىعىمەن سون­دىرىلەدى. جانعان اۋماق 2 شارشى مەتردى قۇرا­عان. بۇل وقيعادان زارداپ شەككەن نەمەسە قازا تاپقاندار جوق. اپاتتىڭ شىعۋ سەبەبى قا­زىر انىقتالۋ ۇستىندە. ء«تىلسىز جاۋدى» اۋىز­­دىقتاۋعا شىمكەنت قالاسى تجد ءورت ءسون­دى­رۋ جانە اۆاريالىق-قۇتقارۋ جۇمىستارى قىز­مە­تىنىڭ جەكە قۇرامىنان 30 ادام جانە 5 تەحنيكا­ جۇ­­مىل­دىرىلدى», دەدى توتەنشە جاع­داي­لار­ دەپار­تا­­مەنتىنىڭ باستىعى ما­ديار­ جاقسىباەۆ.

وسى ورايدا قالانىڭ باس ءورت ءسوندىرۋشىسى شاھار باسشىسى م.ايتەنوۆتىڭ مەگاپوليس اۋما­عىن­دا جازدىڭ كۇندەرى ورمان جانە دالا ورتتەرىنىڭ الدىن الۋ جانە ولاردى جويۋدىڭ ءىس-شارالار جوسپارىنا سايكەس اۋدان اكىم­­دەرىنە ءتيىستى تاپسىرمالار بەر­گە­نىن مالىمدەدى.

شىمكەنت