ەلوردادا مەملەكەتتىك رامىزدەر كۇنىنە وراي اۆتوۆولونتەرلەر مەن Lada granta club, JDM generations, W202, Cerato club, Camry family, Skoda club, Drive club سەكىلدى وزگە دە اۆتوكلۋب وكىلدەرىنىڭ قولداۋىمەن اۆتوشەرۋ ءوتتى, دەپ حابارلايدى Egemen.kz.
اۆتوشەرۋدى استانانىڭ جاستار ساياساتى ماسەلەلەرى جونىندەگى باسقارماسى جانە «استانا جاستارى» جرو ۇيىمداستىردى.
قالا اكىمدىگى ءىس-شارانىڭ ماقساتى - تۇرعىندارعا مەرەكەلىك كوڭىل-كۇي سىيلاۋ, وتانعا, ەلدىڭ مەملەكەتتىك رامىزدەرىنە دەگەن پاتريوتيزم مەن سۇيىسپەنشىلىك سەزىمىن ارتتىرۋ ەكەنىن ايتتى.
ءىس-شاراعا اۆتوسپورت فەدەراتسياسىنىڭ پرەزيدەنتى اناتولي بوندار قاتىسىپ, مەرەكەمەن قۇتتىقتادى.
ء«بىز ءۇشىن بۇل اۋقىمى جاعىنان دا, ماڭىزى جاعىنان دا ەرەكشە مەرەكە.ء تۇرلى كلۋبتاردان جينالعان اۆتوكولىك اۋەسقويلارى ەلىمىزدىڭ تۋىن قالا ىشىندە الىپ ءجۇرۋ ءۇشىن جينالادى. بۇل ءبىزدىڭ ازاماتتاردى شابىتتاندىرۋدىڭ جانە ولارعا مەرەكەلىك كوڭىل-كۇي سىيلاۋدىڭ ەرەكشە ءتاسىلى, ويتكەنى وسى تاقىرىپقا ارنالعان اۆتوشەرۋلەر ىلعي دا اسەرلى وتەدى», دەدى اناتولي بوندار.
قازاقستاننىڭ مەملەكەتتىك تۋى بار 50-گە جۋىق ماشينا مەملەكەتتىك رامىزدەر الاڭىنان ەكسپو اۋماعى ارقىلى, ابىلاي حان داڭعىلىمەن وتان قورعاۋشىلار الاڭىنا دەيىن ءجۇرىپ ءوتتى.
«مۇنداي اۆتوشەرۋلەرگە ءبىزدىڭ كلۋب بىرنەشە جىلدان بەرى قاتىسىپ كەلەدى. ءبىز ىلعي دا قالاداعى ءارتۇرلى مادەني ءىس-شارالاردى قولدايمىز. مەملەكەتتىك رامىزدەر كۇنى - بۇل وتە ماڭىزدى, ەرەكشە شابىت بەرەتىن مەرەكە, سوندىقتان بۇل كۇندىى ەرەكشە تۇردە وتكىزەتىنىمىزگە قۋانامىز. مەملەكەتتىك تۋى بار اۆتوشەرۋلەر - جىلداعى مەنىڭ سۇيىكتى ءىس-شارالارىمنىڭ ءبىرى», دەدى Lada Granta Astana اۆتوكلۋبىنىڭ وكىلى ۆەرا كولودي.