ينفلياتسيا تومەندەي مە؟

«رەسەيدە جىلدىق ينفلياتسيا ساۋىر­دە 1,56 پايىزعا دەيىن باياۋلا­دى (ناۋرىزداعى 3,51 پايىزبەن سالىس­تىرعاندا). اتالعان ەلدەگى ينفليا­تسيانىڭ كۇرت تومەندەۋى قا­زاق­ستانداعى ينفلياتسيانىڭ باياۋلاۋى ءۇشىن جاعىمدى فاكتور بولىپ ەسەپتەلەدى. بۇۇ ازىق-ت ۇلىك جا­نە اۋىل شارۋاشىلىق ۇيىمى (فاو) يندەكسىنىڭ ورتاشا ءمانى ساۋىر­­دە ۇلعايىپ, 127,2 پۋنكت بولدى. ناۋ­رىزداعى كورسەتكىشتەن 0,6 پايىز­عا جوعارى. بۇل جىلدىق تومەن­دەۋدەن كەيىنگى ازىق-ت ۇلىك تاۋارلارى باعاسىنىڭ العاشقى ءوسۋى. فاو ازىق-ت ۇلىك باعاسى يندەكسىنىڭ ايتارلىقتاي ءوسۋىنىڭ ماڭىزدى فاكتورى – قانت باعاسىنىڭ قىمباتتاۋى بولدى. استىق, ءسۇت ونىمدەرى باعالارىنىڭ يندەكسى تومەندەۋدى جالعاستىردى. فاو يندەكسىنىڭ بۇلاي جوعارىلاۋى الەمدەگى دەزينفلياتسيالىق ۇدەرىستىڭ تۇراقسىزدىعىنان حابار بەرەدى», دەپ مالىمدەيدى ورتالىق كەزەكتى شولۋىندا.

ولاردىڭ ايتۋىنشا, ەۋروايماقتا­عى جىلدىق ينفلياتسيا ساۋىردە 7 پايىز­عا دەيىن ارتتى. بۇل – بەس اي­لىق تومەندەۋدەن كەيىنگى العاشقى ءوسىم. قا­زاقستاننىڭ ماڭىزدى ساۋدا سە­رىكتەسى – ەو-داعى ينفلياتسيا ءوسىمى – الەمنىڭ الدىڭعى قاتارلى ەكونو­ميكاسىنداعى تومەندەۋدىڭ ورنىق­سىزدىعىن بايقاتادى.

«قىتاي ەكونوميكاسىنىڭ اشىلۋى مۇنايعا دەگەن جوعارعى سۇرانىس ءۇمىتىن اقتامادى. قازىر «قارا التىن» باعاسى باررەلىنە 75 دوللاردىڭ ماڭايىندا ساۋدالانۋدا. وپەك+ ەلدەرىنىڭ مۇناي ءوندىرىسىن ەرىكتى تۇردە تومەندەتۋى, سونىڭ ىشىندە ءوندىرىستىڭ قازاقستاندا تاۋلىگىنە 78 مىڭ باررەلگە قىسقارۋى مۇناي باعاسى وسىمىنە ۇزاق مەرزىمدى ەففەكت بەرە المادى. اتالعان فاكتور ۇلتتىق ۆاليۋتا باعامىنا قىسىم جاساي وتىرا پروينفلياتسيالىق فاكتورعا اينالۋى ابدەن مۇمكىن. قازاقستاندا جىلدىق ينفلياتسيا ناۋرىز-ساۋىردە تومەندەۋدى جالعاستىردى. الايدا سىرتقى جانە ىشكى فاكتورلار ديناميكاسى اتالعان دەزينفلياتسيالىق ءۇردىستىڭ تۇراقتى ەمەس ەكەنىن بايقاتىپ وتىر. كوپ جاعدايدا قازاقستانداعى جىلدىق ينفلياتسيانىڭ تومەندەۋى جوعارى بازالىق اسەرگە بايلانىستى, ال اي سايىنعى ينفلياتسيا جوعارى قارقىنمەن ءوسۋىن جالعاستىرۋدا», دەلىنەدى شولۋدا.

قارجى ءمينيسترى ەرۇلان جاماۋ­باەۆتىڭ ايتۋىنشا, قازاقستان ينفلياتسيانى ەكى ەسە تومەندەتۋ مەجەسىن ورىنداي الادى.

«بىزدە بىلتىر ينفلياتسيا 20 پايىزدان اسىپ كەتتى. بيىل ول تسيفردى كەم دەگەندە ەكى ەسە تومەندەتكىمىز كەلەدى. ار­نايى  كەشەندى جوسپار ازىرلەپ وتىرمىز. وندا ىشكى نارىقتاعى وتان­دىق تاۋارلاردىڭ پايىزىن جوعارى­لاتۋ كوزدەلگەن. وسى جوسپاردى ورىنداۋ ءۇشىن ءتيىستى بيۋدجەت قاراجاتى بولىنەدى. سونىمەن قاتار ينۆەستيتسيا دا تارتامىز. قازىر تاۋارلاردى ساقتاۋ جانە تا­سى­مالداۋ تەتىگىن جاق­سارتۋ جوسپارلانىپ جاتىر. كوپ جاع­داي­دا وندىرۋشىلەر وندىرگەن تاۋار­لار تۇتىنۋشىعا ءتيىستى ساپ­ا­­دا جەت­پەيتىندىكتەن بۇلاي ىستەۋدىڭ قاجەتتىلىگى جوعارى بولىپ تۇر», دەيدى مينيستر.