يندۋستريا جانە ينفراقۇرىلىمدىق دامۋ ءمينيسترىنىڭ بۇيرىعىمەن التاي سەمبەك ۇلى ءالى كولىك كوميتەتىنىڭ توراعاسى قىزمەتىنە تاعايىندالدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
1985 جىلى 3 مامىردا جامبىل وبلىسى, جاڭاتاس قالاسىندا دۇنيەگە كەلگەن.
2008-2012 جىلدارى اباي اتىنداعى قازاق ۇلتتىق پەداگوگيكالىق ۋنيۆەرسيتەتىن تامامداعان.
ەڭبەك جولىن 2006 - 2010 جىلدارى «United Bank Limeted» وكىلدىگىنىڭ باس مەنەدجەرى قىزمەتىنەن باستاعان.
2010 - 2014 – «دامۋ» كدق» اق سۋبسيديالاۋ دەپارتامەنتىنىڭ مەنەدجەرى (الماتى ق.);
2014 - 2015 – استانا قالالىق سوتىنىڭ باس مامانى (استانا ق.);
2015 - 2016– قازاقستان رەسپۋبليكاسى پرەمەر-ءمينيسترى كەڭسەسىنىڭ سىرتقى بايلانىستار جانە حاتتاما ءبولىمىنىڭ باس ساراپشىسى (استانا ق.);
2016 - 2016 – قازاقستان رەسپۋبليكاسى پرەمەر-ءمينيسترى حاتشىلىعىنىڭ باس ساراپشىسى (استانا ق.);
2016 - 2018 – قازاقستان رەسپۋبليكاسى پرەمەر-ءمينيسترى كەڭسەسىنىڭ وڭىرلىك دامۋ ءبولىمىنىڭ باس ينسپەكتورى (استانا ق.);
2018 - 2018 –وڭتۇستىك قازاقستان وبلىسى اپپاراتىنىڭ باسشىسى (شىمكەنت ق.);
2018 - 2019 – اپپارات باسشىسىنىڭ ورىنباسارى-شىمكەنت قالاسى اكىمى حاتشىلىعىنىڭ مەڭگەرۋشىسى;
2019 - 2020 – شىمكەنت قالاسى ەنەرگەتيكا جانە كوممۋنالدىق شارۋاشىلىق باسقارماسىنىڭ باسشىسى;
2020 جىلدان باستاپ قازىرگى ۋاقىتقا دەيىن كولىك كوميتەتى توراعاسىنىڭ ورىنباسارى بولىپ قىزمەت اتقارىپ كەلگەن.