كەلەسى قارسىلاسىمىز – سان-مارينو

ناۋرىز ايىنداعى سلوۆەنيا جانە دانيا قۇرامالارىمەن وتكەن ويىندارعا شاقىرتۋ العان تىزىممەن سالىستىرار بولساق, ماگومەد اديەۆ بۇل جيىنعا جاڭادان ءتورت فۋتبولشىنى قوسقان ەكەن. اتاپ ايتقاندا, «ورداباسىنىڭ» قاقپاشىسى مۇحام­مەدجان سەيسەن, «اقتوبەنىڭ» قور­عاۋشىسى الىبەك قاسىم, «اقسۋدىڭ» جانە «قىزىلجاردىڭ» جارتىلاي قورعاۋشىلارى – ميراس تۇرلىبەك پەن ەركىن تاپالوۆ جانە «قايراتتىڭ» شابۋىلشىسى ۆياچەسلاۆ شۆىرەۆ بيىلدىققا العاش رەت ۇلتتىق قۇر­ا­مانىڭ وقۋ-جاتتىعۋ جيىنىنا شا­قىرتۋ الىپ وتىر.

ال ىشكى چەمپيوناتتىڭ ويىندارىندا جاراقات الىپ قالعان «وردا­باسىنىڭ» جارتىلاي قورعاۋشىسى باۋىرجان يسلامحان, ءتۇرلى سەبەپتەرمەن «اقتوبەنىڭ» قاقپاشىسى ستاس پوكاتيلوۆ, «ورداباسىنىڭ» قور­عاۋشىسى عافۋرجان سۇيىمباەۆ بۇل جولعى تىزىمنەن شىعىپ قالدى. تىزىم­دەگى وزگە ويىنشىلاردىڭ ءبارى بۇعان دەيىنگى جيىنعا قاتىسقان بولاتىن.

ماۋسىمداعى ماڭىزدى ويىنداردا ماگومەد اديەۆ مىنا فۋتبولشىلارعا سەنىم ارتپاق. قاقپاشىلار: يگور شاتس­كي («شاحتەر»), مۇحامەدجان سەي­­سەن, بەكحان شايزادا (ەكەۋى دە – «ور­داباسى»), دانيل ۋستيمەنكو («قاي­رات»).

قورعاۋشىلار: سەرگەي مالىي, تەمىرلان ەرلانوۆ (ەكەۋى دە – «ور­داباسى»), الەكساندر ماروچكين, باع­­دات قايىروۆ (ەكەۋى دە – «تو­بىل»), ميحايل گابىشەۆ, تيمۋر دوس­ما­عامبەتوۆ, ابزال بەيسەبەكوۆ (بار­لىعى – «استانا»), تالعات كۋسياپوۆ («كاسپي»), مارات بىستروۆ («احمات», رەسەي), يان ۆوروگوۆسكي («مولەنبەك», بەلگيا), الىبەك قاسىم («اقتوبە»), نۇرالى ءالىپ («زەنيت», رەسەي), لەۆ سكۆورتسوۆ («حيمكي», رەسەي).

جارتىلاي قورعاۋشىلار: را­ما­زان ورازوۆ («توبىل»), ماكسيم سامو­رودوۆ, ارمان كەڭەسوۆ (ەكەۋى دە – «اقتوبە»), اسحات تاعىبەرگەن («ور­داباسى»), اسلان داراباەۆ, ەل­حان استانوۆ, يسلامبەك قۋات (بار­لىعى – «استانا»), باقتيەر زاي­نۋت­دينوۆ (تسسكا, رەسەي), ميراس تۇر­لىبەك («اقسۋ»), ەركىن تاپالوۆ («قى­زىلجار»).

شابۋىلشىلار: ابات ايىمبەتوۆ, ۆلاديسلاۆ پروكوپەنكو (ەكەۋى دە – «استانا»), ابىلايحان جۇمابەك («اقتوبە»), ايبار جاقسىلىقوۆ («ورداباسى»), ارتۋر شۋشەناچەۆ, ۆياچەسلاۆ شۆىرەۆ (ەكەۋى دە – «قايرات»), يسلام چەسنوكوۆ («توبىل»).

جاتتىقتىرۋشىلار شتابى: ماگومەد اديەۆ – باس باپكەر, ەۆ­گەني كوسترۋب – باس باپكەردىڭ كو­مەكشىسى, رۋسلان بالتيەۆ – باس باپ­كەردىڭ كومەكشىسى, ۆالەري سيتالو – قاقپاشىلاردىڭ جاتتىقتىرۋشىسى, ەرلان يبرايم – دەنە دايارلىعى جاتتىقتىرۋشىسى, امال سىزدىقوۆ – ساراپشى باپكەر.

وقۋ-جاتتىعۋ جيىنى 8 ماۋسىمدا الماتىدا باستالادى. ويىنشىلاردىڭ ناقتى ءتىزىمىن ماگومەد اديەۆ بۇگىن ساعات 16.00-دە «Qazsport» تەلەار­نا­سىنىڭ تىكەلەي ەفيرىندە مالىمدەيدى.

قازاقستان قۇراماسى ماۋسىم ايىن­دا سىرت الاڭدا ەكى ماتچ وتكىزەدى. 16 ماۋ­سىم كۇنى ماگومەد اديەۆ كومانداسى سان-مارينومەن يتاليانىڭ پارما قالاسىندا كەزدەسەدى. سان-مارينوداعى ۋەفا تالابىنا ساي كەلەتىن «وليمپيكو دي سەرراۆاللە» ستاديونى جوندەۋ جۇمىستارىنا بايلانىستى ۋاقىتشا جابىلعاندىقتان, ولار ءوز الاڭىنداعى ماتچتاردى يتاليادا وتكىزەدى. «ەننيو تارديني» ستاديونىنداعى ماتچ ەلوردا ۋاقىتىمەن 00.45-تە باستالادى.

ءۇش كۇننەن كەيىن ءبىزدىڭ قۇراما سولتۇستىك يرلاندياعا ساپار شەگىپ, جەرگىلىكتى فۋتبولشىلارمەن وينايدى. كەزدەسۋدىڭ باستالۋى استانا ۋا­قىتىمەن 00.45-كە جوسپارلانعان. ماتچ بەلفاست قالاسىنداعى «ۋيندزور پارك» ستاديونىندا وتەدى.

ناۋرىز ايىنداعى ەكى تۋر­دىڭ قورى­تىندىسى بويىنشا قازاقستان قۇراماسى ءۇش ۇپايمەن تۋرنير كەس­تەسىندە ءۇشىنشى ورىندا كەلەدى.