مەملەكەت باسشىسىنىڭ ءباسپاسوز حاتشىسى رۋسلان جەلدىباي 25 مامىردا ماسكەۋدە وتكەن جوعارى ەۋرازيالىق ەكونوميكالىق كەڭەستىڭ كەڭەيتىلگەن قۇرامداعى وتىرىسىندا ۆلاديمير ءپۋتيننىڭ قاسىم-جومارت توقاەۆقا بەرىپ جىبەرگەن قاعازىندا نە جازىلعانىن ايتتى, دەپ حابارلايدى Egemen.kz.
بۇل تۋرالى رۋسلان جەلدىباي Zakon.kz تىلشىسىنە بەرگەن سۇحباتىندا ايتتى.
ونىڭ ايتۋىنشا, بۇل قاعازدا رەسەي تاراپىنىڭ ەاەو كوشباسشىلارىنىڭ شاعىن قۇرامداعى كەزدەسۋىندە قويىلعان سۇراققا جاۋابى جازىلعان.
«قاعازدا جۇك جونەلتۋشى قازاق كومپانيالارىنىڭ رەسەي تەمىر جولىندا ىشكى تاريف بويىنشا تاۋار تاسىمالداۋ مۇمكىندىگى تۋرالى جازىلعان. رەسەي ۇكىمەتى قازاقستان اۋماعىندا مەجەلى پۋنكتى بار تاۋارلاردىڭ جەڭىلدىكتى ءتاريفتى پايدالانا الاتىنىن اتاپ وتكەن, الايدا رەسەي اۋماعىندا ترانزيتپەن جۇرەتىن تاۋارلارعا ەكسپورتتىق تاريف قولدانىلۋى ءتيىس دەپ ەسەپتەيدى», دەيدى رۋسلان جەلدىباي.
وسى ورايدا قاسىم-جومارت توقاەۆ ەل ۇكىمەتىنە وسى ماسەلە بويىنشا 2015 جىلعى ەاەو قۇرۋ تۋرالى شارت قاعيداتتارى نەگىزىندە رەسەي تاراپىمەن كەلىسسوزدى جالعاستىرۋ جونىندە تاپسىرما بەردى.
ەسكە سالا كەتسەك, مەملەكەت باسشىسى 25 مامىردا ماسكەۋدەگى جوعارى ەۋرازيالىق ەكونوميكالىق كەڭەستىڭ وتىرىسىنا قاتىسقان ەدى.