باحرەيننىڭ استاناسى – مانامادا ۆولەيبولدان ەرلەر اراسىنداعى ازيانىڭ كلۋبتىق چەمپيوناتى ءوز مارەسىنە جەتتى.
اتالعان جارىستا «اتىراۋ» كلۋبى باق سىنادى. وكىنىشكە قاراي, جەرلەستەرىمىز تىم سۇرەڭسىز ونەر كورسەتىپ, ءوز جانكۇيەرلەرىن جەرگە قاراتتى. ءبىزدىڭ جىگىتتەر D توبىندا وينادى. ءۇش ويىننىڭ ەكەۋىندە ۇتىلعان ولار ءۇشىنشى ورىنعا تابان تىرەدى. ودان كەيىن پلەي-وففقا جولداما الا الماعان سەگىز كوماندا ءوزارا كۇش سىناستى. بۇل تارتىستا «اتىراۋدىڭ» جولى بولىپ, بارلىق باسەكەدە باسىمدىق تانىتتى. سوڭعى كەزدەسۋىندە باحرەيننىڭ ء«ال-احليىنە» 2:3 ەسەبىمەن ەسە جىبەرگەن يۋري مەلنيچۋكتىڭ شاكىرتتەرى قورىتىندى ەسەپتە 10-ورىندى قاناعات تۇتتى.
باحرەيندەگى جارىستىڭ باس جۇلدەسى جاپونيانىڭ «سانتوري سانبەردس» كلۋبىنا بۇيىردى. كۇنشىعىس ەلىنىڭ وكىلدەرى فينالدا يندونەزيانىڭ «دجاكارتا بياندكاراسىنان» 3:1 ەسەبىمەن باسىم ءتۇستى. ال قولا مەدالدى قاتاردىڭ «پوليس كلۋبى» يەلەندى.