فرانتسيا باسشىلىعىنىڭ شاقىرۋى بويىنشا مەملەكەت باسشىسىنىڭ ارنايى وكىلى رەتىندە قازاقستان رەسپۋبليكاسىنىڭ مەملەكەتتىك حاتشىسى ادىلبەك جاقسىبەكوۆ فرانتسيانىڭ ۇلتتىق مەيرامىنا ارنالعان رەسمي شارالارعا قاتىستى.
بۇل جىلعى مەرەكە ءبىرىنشى دۇنيەجۇزىلىك سوعىستىڭ 100 جىلدىعىمەن تۇسپا-تۇس كەلدى. ەليسەي الاڭىندا وتكەن ءداستۇرلى اسكەري شەرۋگە العاش رەت XX عاسىردىڭ باسىنداعى جانجالعا قاتىسى بار بارلىق ەلدىڭ وكىلدەرى جينالدى. سالتاناتتى راسىمگە 80 ەلدىڭ دەلەگاتسيالارى شاقىرىلدى.
مەرەكەلىك شارا بارىسىندا قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ اتىنان فرانتسيا پرەزيدەنتى فرانسۋا وللاندقا ەكى ەل اراسىنداعى ستراتەگيالىق سەرىكتەستىك سيپاتىنىڭ ماڭىزدىلىعى مەن وسى قاتىناستى ودان ءارى نىعايتۋعا سەنىمدىلىك ءبىلدىرۋ باسا ايتىلعان قۇتتىقتاۋ حاتى تابىستالدى, دەپ حابارلادى قر ءسىم-ءىنىڭ ءباسپاسوز قىزمەتى.