بيىل جاز قانداي بولادى؟

2023 جىلدىڭ جازىنا ارنالعان بولجامعا سايكەس, رەسپۋبليكانىڭ باسىم بولىگىندە تەمپەراتۋرالىق فون نورمادان جوعارى, تەك سولتۇستىك وبلىستاردا كليماتتىق نورما شەگىندە بولادى دەپ بولجاندى.

«قازاقستاننىڭ سولتۇستىك-باتىس جانە سولتۇستىك-شىعىس جارتىسىندا فرونتالدى بولىكتەردىڭ وتۋىمەن جانە سولتۇستىك تەڭىزدەر ايماقتارىنان سۋىقتىڭ بولىكتەرىنىڭ كەلۋىمەن اۋا تەمپەراتۋراسى كۇندىز +30+38°س-تان +15+20°س-قا دەيىن قۇبىلادى. سونىمەن قاتار رەسپۋبليكانىڭ وڭتۇستىك-باتىس جارتىسىندا كەي كۇندەرى تەرمومەترلەر +40+45°C-قا دەيىن جەتەدى», دەلىنگەن «قازگيدرومەت» رمك حابارلاماسىندا.

ماۋسىم ايىندا رەسپۋبليكانىڭ باسىم بولىگى ىستىق بولادى, اۋانىڭ ورتاشا ايلىق تەمپەراتۋراسى رەسپۋبليكانىڭ باسىم بولىگىندە نورمادان 1-2° جوعارى, رەسپۋبليكانىڭ سولتۇستىگىندە, سولتۇستىك-شىعىسىندا, شىعىسىندا, وڭتۇستىك-شىعىسىندا نورماعا (نورما: قازاقستاننىڭ باسىم بولىگىندە +18+23°س, رەسپۋبليكانىڭ وڭتۇستىك-باتىس جارتىسىندا +24+28°س, رەسپۋبليكانىڭ وڭتۇستىك-شىعىسىنداعى جانە شىعىسىنداعى تاۋلى ايماقتاردا +7+17°س) جاقىن بولادى.

شىلدە ايىندا ەلىمىزدىڭ باسىم بولىگىندە اۋانىڭ ورتاشا ايلىق تەمپەراتۋراسى نورماعا جاقىن, رەسپۋبليكانىڭ وڭتۇستىك وبلىستارىندا نورمادان 1° جوعارى (قالىپتى: وبلىستىڭ باسىم بولىگىندە +18+24°س) بولادى. 

جازدىڭ سوڭعى ايى تامىزدا رەسپۋبليكانىڭ باسىم بولىگىندە ىستىق اۋا رايى ساقتالادى. اۋا تەمپەراتۋراسى نورمادان 1-2° جوعارى, رەسپۋبليكانىڭ سولتۇستىك-باتىس جارتىسىندا عانا نورماعا (نورما: قازاقستان رەسپۋبليكاسىنىڭ باسىم بولىگىندە +20+28°س, رەسپۋبليكانىڭ سولتۇستىك-شىعىس جارتىسىندا +16+ 19°س, شىعىس پەن وڭتۇستىك-شىعىستىڭ تاۋلى ايماقتارىندا +11+15°س. رەسپۋبليكا) جاقىن كەلەدى.

سينوپتيكتەردىڭ بولجاۋىنشا, جازدا قازاقستاننىڭ باسىم بولىگىندە جاۋىن-شاشىن از بولادى.