مەكسيكانىڭ سولتۇستىگىندەگى تاماۋليپاس شتاتىنىڭ تراسساسىندا تىركەمەسى بار جۇك كولىگى مەن فۋرگون سوقتىعىسىپ, 26 ادام مەرت بولدى, دەپ حابارلايدى Egemen.kz Reuters اگەنتتىگىنە سىلتەمە جاساپ.
قوعامدىق قاۋىپسىزدىك مينيسترلىگىنىڭ مالىمەتىنشە, قوس كولىك شتات استاناسى سيۋداد-ۆيكتورياعا جاقىن ماڭدا سوقتىعىسىپ, ورتەنگەن.
وقيعا ورنىنا بارعان پوليتسەيلەر تىركەمەسى بار جۇك كولىگى كۇلگە اينالعانىن كورگەن. تاماۋليپاس پروكۋراتۋراسى ۇسىنعان دەرەككە قاراعاندا, تەرگەۋشىلەر جۇك كولىگىنىڭ جۇرگىزۋشىسى حابار-وشارسىز كەتكەن. بولجام بويىنشا, جەكە كولىك كومپانياسىنا تيەسىلى فۋرگون جولاۋشىلارىنىڭ اراسىندا بالالار دا بولعان. اپات قۇرباندارىنىڭ ءبارى مەكسيكالىقتار بولعان ءتارىزدى, سەبەبى وقيعا ورنىندا سولاردىڭ جەكە كۋالىكتەرى تابىلدى.