پوليتسەيلەر ساياباقتا ەسىرتكىنى جاسىرىن جەرلەرگە سالۋمەن اينالىسقان بويجەتكەندى انىقتادى. جەكە ءتىنتۋ كەزىندە ودان جالپى سالماعى 0,53 گر ەكستازي ەسىرتكى زاتى تاركىلەندى, دەپ حابارلايدى Egemen.kz Polisia.kz Telegram ارناسىنا سىلتەمە جاساپ.
جالدامالى پاتەردى ءتىنتۋ بارىسىندا ەسىرتكى زاتتارى بار ۇلكەن قويما انىقتالدى. ولاردىڭ ىشىندە مەفەدرون, گاشيش, گالليۋتسينوگەندى ەسىرتكى, ماريحۋانا جانە كاننابيس شايىرى بار.
ۇستالعان ازاماتشا انىقتالعان زاتتاردى ءوزىنىڭ ينتەرنەت دۇكەنىندە ساتپاقشى بولعان. ەسىرتكى كۋرەرى ەلوردادا وتكىزۋدى كوزدەگەن 400 گر جۋىق ەسىرتكى زاتى زاڭسىز اينالىمنان تاركىلەندى.
پوليتسەيلەر قالانىڭ حالىق كوپ شوعىرلانعان جەرلەرىندە ەسىرتكى كۋرەرلەرى جاپسىراتىن QR-كودتارى بار جاپسىرمالاردى تاپتى.
قر قك-ءنىڭ 296-بابىنىڭ 4-بولىگى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. ول ۋۇي-عا قامالدى.