تاريحي جولدامانى يەلەندى

شىمكەنتتە ءوتىپ جاتقان تەننيستەن بيللي دجين كينگ كۋبوگى اياسىنداعى ازيا/تىنىق مۇحيتى ايماعى بويىنشا ىرىك­تەۋ كەزەڭىنىڭ جارتىلاي فينالىندا ەلىمىزدىڭ قۇراماسى وسى ءتۋرنيردىڭ بەس دۇركىن جەڭىمپازى – اۋستراليا قۇراماسىن تىزە بۇك­تىرىپ, ەل تەننيسى تاري­حىندا تۇڭ­عىش رەت ءجاسوسپىرىم قىزدار ارا­سىنداعى الەم چەمپيوناتىنىڭ نەگىزگى كە­زەڭىنە جولداما الدى.

جارتىلاي فينالدىڭ العاشقى ماتچىندا قازاقستان قۇراماسى ساپىنان اريانا گوگۋلينا ونەر كورسەتىپ, جەرلەستەرىمىزدى ەسەپتە العا شىعاردى. ول 3 ساعاتقا جالعاسقان تارتىستى ويىندا 7:5 3:6, 7:5 ەسەبىمەن جە­ڭىسكە جەتتى. ال ەكىنشى ويىندا كورتقا شىققان پولينا سلەپتسوۆا قارسىلاسىن 7:5, 6:4 ەسەبىمەن تىزە بۇكتىرىپ, تاريحي جەڭىسكە قول جەتكىزدى. ياروسلاۆا شۆەدوۆا شاكىرتتەرى بۇگىن ىرىكتەۋ جارىسىنىڭ فينالىندا جاپونيا نەمەسە وڭتۇستىك كورەيا كومانداسىمەن باس جۇلدەنى ساراپقا سالادى.