جەتىسۋ وبلىسىنىڭ پوليتسەيلەرى 15 جىلدان بەرى حالىقارالىق ىزدەۋدە جۇرگەن قازاقستاندىقتى ۇستادى, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ جەدەل ۋاكىلدەرى كوكسۋ اۋدانىندا 51 جاستاعى ەر ادامدى ۇستاعان. ول 2008 جىلدان بەرى رەسەيدە ەسىرتكى قىلمىسىنا قاتىسى بار دەگەن كۇدىكپەن حالىقارالىق ىزدەۋدە بولعان.
«قازاقستان پوليتسياسى كۇدىكتىنى رەسەي فەدەراتسياسىنىڭ كراسنويارسك ولكەسىنىڭ پوليتسياسىنىڭ سۇراۋى بويىنشا ىزدەستىرگەن. كۇدىكتىنىڭ تۇرعان جەرىن انىقتاۋ تۋرالى اقپارات ىزدەۋ جاريالاعان تاراپقا جىبەرىلدى. ءىستىڭ بارلىق ءمان-جايى انىقتالعانشا, انىقتالعان ادامعا قاتىستى پروتسەسسۋالدىق ماجبۇرلەۋ شاراسى - كەلۋ مىندەتتەمەسى تاڭدالدى», دەلىنگەن پوليتسيا دەپارتامەنتىنىڭ حابارلاماسىندا.