بەرليندە سۋ دوبىنان ايەلدەر اراسىنداعى الەم كۋبوگىنىڭ 2-ديۆيزيونداعى ويىندارى ءوز مارەسىنە تايادى. ۆ توبىندا سىنعا تۇسكەن قازاقستان قۇراماسى كەشە ءۇشىنشى ورىن ءۇشىن شەبەرلىك بايقاستى.
اسەل جاقاەۆا باپتايتىن ۇلتتىق قۇراما سپورتشىلارى العاشقى تۋردا جارىس قوجايىندارى – گەرمانيا قۇراماسىن 11-7 ەسەبىمەن قاپى قالدىرعان بولسا, ەكىنشى تۋردا ۇلىبريتانيا سۋ دوبى شەبەرلەرىن ءىرى ەسەپپەن تىزە بۇكتىردى – 15-7. ال ءۇشىنشى اينالىمدا جەرلەستەرىمىز ۆ توبىندا 2 تۋردان كەيىن 6 ۇپاي جيناعان جاڭا زەلانديامەن كەزدەسىپ, وكىنىشكە قاراي, 15:8 ەسەبىمەن جەڭىلىپ, فينالعا شىعا المادى. ءسويتىپ, الەم كۋبوگىنىڭ سۋپەرفينالىنان دا تىس قالدى.
كەشە قازاقستان ۇلتتىق قۇراماسى ءۇشىنشى ورىن ءۇشىن وڭتۇستىك افريكا رەسپۋبليكاسىمەن كەزدەسۋ وتكىزدى.