بولاشاعىنان كوپ ءۇمىت كۇتتىرەتىن ەلىمىزدىڭ جاس تەننيسشىلەرى – اسىلجان ارىستانبەكوۆا مەن دانا بايداۋلەت تۇركيانىڭ انتاليا قالاسىندا ۇيىمداستىرىلعان ەرەسەكتەر اراسىنداعى «ITF World Tennis Tour W15» جارىسىنىڭ فيناليستەرى اتاندى.
جۇپتىق سىندا ونەر كورسەتكەن جەرلەستەرىمىز حالىقارالىق ءتۋرنيردى ءساتتى باستاپ, فينالعا دەيىن القىنباي جەتتى. باس جۇلدەنى ساراپقا سالاتىن باسەكەدە ولار وسى ءتۋرنيردىڭ ءۇشىنشى راكەتكاسى رەتىندە تىركەلگەن نيدەرلاند وكىلى مەرەل حوەد پەن يتاليالىق تەننيسشى ميريان تونمەن كەزدەسىپ, ەكى سەتكە جالعاسقان ماتچتا قارسىلاستارىنا 4:6, 4:6 ەسەبىمەن جول بەردى.
«Team Kazakhstan» اكادەمياسىنىڭ اعا باپكەرى يرينا چيچمارەۆانىڭ ايتۋىنشا, بۇل – جەرلەستەرىمىزدىڭ ەرەسەكتەر اراسىنداعى العاشقى ءىرى جەتىستىگى. «فينالدا جەڭىلىپ قالعانىنا قاراماستان, اسىلجان مەن دانا ءبىر اپتا بويى تابىستى ونەر كورسەتتى. سوڭعى باسەكەگە دەيىن ولار دودانىڭ ەكىنشى جانە ءتورتىنشى راكەتكالارىن ۇتتى. سوندىقتان ءبىز دۇرىس باعىتتا كەلە جاتىرمىز دەپ ويلايمىن. الداعى ۋاقىتتا قاتەلىكتەرىمىزبەن جۇمىس ىستەپ, بۇدان دا بيىك شىڭداردى باعىندىرامىز», دەدى ي.چيچمارەۆا.