قارجى جانە بيۋدجەت كوميتەتىنىڭ دەپۋتاتتارى «كەدەندىك ءترانزيتتىڭ كەدەندىك راسىمىنە سايكەس تاۋارلاردى تاسىمالداۋ (تاسۋ) كەزىندە كەدەندىك باجداردى, سالىقتاردى, ارنايى, دەمپينگكە قارسى, وتەماقى باجدارىن تولەۋ جونىندەگى مىندەتتىڭ ورىندالۋىن قامتاماسىز ەتۋدى قولدانۋدىڭ ەرەكشەلىكتەرى تۋرالى كەلىسىمدى راتيفيكاتسيالاۋ تۋرالى» زاڭدى تالقىلادى, دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
كەلىسىمدى راتيفيكاتسيالاۋ كەدەندىك ترانزيت كەزىندە كەدەندىك باجداردى, سالىقتاردى, ارنايى, دەمپينگكە قارسى, وتەماقى باجدارىن تولەۋدى ورىنداۋدىڭ نەعۇرلىم تارتىمدى جۇيەسىن قۇرۋعا باعىتتالعان. اتاپ ايتقاندا, كەلىسىم كەدەندىك تولەمدەردى تولەۋ مىندەتىن ورىندالۋىن قامتاماسىز ەتۋدە جۇمىس تاجىريبەسى بار نەگىزگى دەكلارانتتارعا, سونداي-اق كەلىسىمگە سايكەس ۇلتتىق كەپىلگەر دەپ تانىلعان كەپىلگەرلەرگە وڭايلاتىلعان جۇيەنى قولدانۋ مۇمكىندىگىن كوزدەيدى.
قۇجات ەاەو-نىڭ ترانزيتتىك الەۋەتىن ودان ءارى دامىتۋعا ىقپال ەتەدى, ترانزيتتىك تاسىمالداردى جاساۋ كەزىندە سىرتقى ەكونوميكالىق قىزمەتكە قاتىسۋشىلاردىڭ شىعىندارىن ازايتۋعا ىقپال ەتەدى. سونداي-اق بيزنەسكە «كەپىلگەرلىك» ينستيتۋتىن دامىتۋعا جانە قالىپتاستىرۋعا قاتىسۋعا مۇمكىندىك بەرەدى, بۇل ءوز كەزەگىندە تاسىمالداۋشىلار ءۇشىن جاعدايدى جاقسارتاتىن بولادى.