شايبالى حوككەيدەن گاگارين كۋبوگى جولىنداعى جارىس ءوز مارەسىنە جەتتى. بيىلعى ماۋسىمنىڭ باس جۇلدەسىن ماسكەۋدىڭ تسسكا كلۋبى مەن قازاننىڭ «اك بارس» ۇجىمى ساراپقا سالدى.
ءبىر كوماندانىڭ ءتورت جەڭىسىنە دەيىن جالعاساتىن فينالدىق ماتچتا قازاقستان قۇراماسىنىڭ قورعاۋشىسى داررەن ديتس ونەر كورسەتەتىن تسسكا كلۋبىنىڭ باعى جاندى – 4:3. تسسكا ارەنادا ۇيىمداستىرىلعان سوڭعى, جەتىنشى ماتچتا مۇزايدىن يەلەرى قازاننان كەلگەن قارسىلاستارىن 3:2 ەسەبىمەن قاپى قالدىرىپ, قاتارىنان ەكىنشى مارتە گاگارين كۋبوگىنە قول جەتكىزدى. ماسكەۋلىكتەردىڭ جەڭىس گولىن 32-مينۋتتا داررەن ديتس سوققانىن ايتا كەتكەن ءجون.
سونداي-اق بۇل ماتچتا تسسكا ساپىنان انتون سلەپىشەۆ (21-مينۋت) جانە ۆلاديسلاۆ كامەنەۆ (31) مەرگەندىك تانىتتى. ال «اك بارس» كومانداسىنان كيريلل پەتروۆ (20) پەن دميتري ۆورونكوۆ (28) ءبىر-ءبىر شايبانىڭ اۆتورى اتاندى. وسىلايشا, داررەن ديتس قازاقستان حوككەيشىلەرى اراسىندا ەكى دۇركىن گاگارين كۋبوگىنىڭ جەڭىمپازى اتانسا, «اك بارس» ساپىندا ونەر كورسەتكەن كيريلل پانيۋكوۆ العاش رەت كۇمىس جۇلدەگە يە بولدى.