بويىنشا انىقتامالاردى حقو ارقىلى الۋعا بولادى
بۇرىن قازاقستاننىڭ سالىق تولەۋشىلەرى سالىق بەرەشەگىنىڭ, مىندەتتى زەينەتاقى جارنالارى مەن الەۋمەتتىك اۋدارىمدار بويىنشا بەرەشەكتىڭ بولماۋى (بولۋى) تۋرالى انىقتامالاردى, سونداي-اق, سالىق كوميتەتى باعىتى بويىنشا باسقا دا انىقتامالاردى سالىق باسقارماسى ارقىلى الاتىن ەدى. وسى جىلدىڭ مامىرىنان باستاپ ازاماتتارعا حالىققا قىزمەت كورسەتۋ ورتالىعى مەن ەلەكتروندىق ۇكىمەت پورتالى ارقىلى قاجەتتى ءمالىمەتتەر الۋعا مۇمكىندىك بەرەتىن ۇكىمەت قاۋلىسى زاڭدى كۇشىنە ەندى. وسى ۋاقىتقا دەيىن بۇل قىزمەتتەر حقو ارقىلى «قاناتقاقتى رەجىمدە» كورسەتىلىپ كەلدى.
حقو ارقىلى سالىق بەرەشەگى بويىنشا قاجەتتى انىقتامالار الۋ ءۇشىن ۇلگى بويىنشا سالىق ءوتىنىشىنىڭ نىسانىن تولتىرۋ جەتكىلىكتى, بۇل ورايدا جەكە تۇلعالاردىڭ وزدەرىمەن بىرگە جەكە كۋالىگى بولۋى كەرەك, ال زاڭدى تۇلعالارعا سەنىمحات پەن تىركەلگەن زاڭدى تۇلعا تۋرالى انىقتاما قاجەت بولادى. انىقتامانىڭ تۇرىنە قاراي ناتيجەنى 2-5 جۇمىس كۇنىنەن كەيىن الۋعا بولادى. انىقتامالار تەگىن بەرىلەدى.
ەلەكتروندىق ۇكىمەت پورتالى ارقىلى انىقتامالار الۋ ءۇشىن ەتسق عانا بولسا جەتكىلىكتى. بۇل ءۇشىن egov.kz پورتالىنداعى «سالىق جانە قارجى» بولىمىندە قاجەتتى قىزمەتتى تاڭداۋ جانە ونلاين انىقتاماعا تاپسىرىس بەرۋ قاجەت.
ال, ينتەرنەتكە قولجەتىمدىلىگى جوق ادامدارعا حالىققا قىزمەت كورسەتۋ ورتالىقتارىندا «Connection point» بۇرىشتارى قاراستىرىلعان, وندا ەلەكتروندىق-تسيفرلىق قولتاڭباسى جازىلعان جەكە كۋالىگى بار بولعان جاعدايدا بۇل قىزمەتتى وزدىگىنەن الۋعا بولادى. جىلدىڭ باسىنان قىزىلوردا وبلىسىنىڭ 45 مىڭنان استام تۇرعىنى «Connection point» ارقىلى قىزمەتتى وزدىگىنەن الۋ مۇمكىندىگىن پايدالانعاندىعىن اتاپ وتكەن ءجون.