بۋبليك تە ەكىنشى اينالىمدا

يسپانياداعى دودانىڭ العاشقى كەز­دەسۋىن قازاقستاننىڭ ءبىرىنشى, الەمنىڭ 55-راكەتكاسى دۇنيەجۇزىلىك رەيتينگتە 100-ورىندا تۇرعان كولۋمبيالىق دانيەل ەلاي گالانمەن وتكىزىپ, ءۇش سەتكە جالعاسقان تارتىستى ماتچتا 2:1 ەسەبىمەن جەڭىسكە جەتتى. كەزدەسۋدىڭ ءبىرىنشى پارتياسى ءبىر ساعاتتان استام ۋاقىتقا سوزىلىپ, تەننيسشىلەر 12 گەيمنەن كەيىن تەڭ ءتۇستى – 6:6. ءسويتىپ, ال­عاشقى كەزەڭنىڭ ماسەلەسى تاي-برەكتە شە­شىلدى. وندا بۋبليك بەسىنشى سەتبولىن ءتيىمدى پايدالانىپ, ءبىرىنشى پارتيانى ءوز پايداسىنا جازدى – 7:6 (17:15). بۇل – وسى ماۋسىمداعى ەڭ ۇزاققا سوزىلعان تاي-برەيك بولدى.

ەكىنشى سەتتە دە تەننيسشىلەر ساۋاتتى ويناپ, ماتچ تاعى دا تاي-برەيككە دەيىن جال­عاستى. بۇل جولى كولۋمبيالىق سپورت­شىنىڭ باعى جانىپ, تارازى باسىن تەڭەس­تىردى – 7:6 (7:4). ال ءۇشىنشى, شەشۋشى پارتيادا بۋبليك ەكى برەيك جاساپ, جەڭىستى ج ۇلىپ الدى – 6:4. ەندى وتانداسىمىز بۇگىنگە جوس­پارلانعان ءتۋرنيردىڭ ەكىنشى اينالىمىندا الەمنىڭ 7-راكەتكاسى دانيالىق حولگەر رۋنەمەن كەزدەسەدى.

سونداي-اق كەشە ەلەنا رىباكينانىڭ ەكىنشى اينالىمداعى قارسىلاسى بەلگىلى بولدى. جەرلەسىمىز بۇل كەزەڭدە رەسەيلىك اننا كالينسكايامەن شەبەرلىك بايقاسادى.