قازاقستان رەسپۋبليكاسىنىڭ مەملەكەتتىك حاتشىسى ءادىلبەك جاقسىبەكوۆ يتاليا رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى البەرتو پيەريمەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەتتىك حاتشى ا.پيەريدى قازاقستانداعى ديپلوماتيالىق ميسسياسى تابىستى اياقتالۋىمەن قۇتتىقتاپ, ساياسي, ەكونوميكالىق جانە مادەني-گۋمانيتارلىق سالالارداعى ەكىجاقتى قارىم-قاتىناستى نىعايتۋعا قوسقان ەلەۋلى ۇلەسى ءۇشىن العىسىن ءبىلدىردى.
كەزدەسۋ بارىسىندا ودان ارعى ىنتىماقتاستىقتىڭ جاي-كۇيى مەن كەلەشەگى, سونىڭ ىشىندە ميلاندا وتەتىن ەكسپو-2015 جانە استانادا وتەتىن ەكسپو-2017 حالىقارالىق كورمەلەرىن وتكىزۋ جۇمىستارىن ۇيلەستىرۋ ماسەلەلەرى تالقىلاندى.
يتاليا قازاقستاننىڭ شەتەلدىك ساۋدا ارىپتەستەرى اراسىندا ءۇشىنشى ورىن, ال ەۋروپا مەملەكەتتەرى ىشىندە ءبىرىنشى ورىن الادى. 2013 جىلى ەلدەرىمىز اراسىنداعى تاۋار اينالىمى 16,2 ملرد. دوللاردان استى.