جوسپار ورىندالدى!

اتىراۋ كەدەنشىلەرى التى ايدا ەل قورجىنىن 203 ميلليارد 886 ميلليون 788 مىڭ تەڭگە كىرىسپەن تولىقتىردى بيۋدجەت قورجىنىن تو­لىق­­تىراتىن سالانىڭ ءبىرى – كەدەن. وسى ورايدا اتىراۋ وبلىسى بويىنشا كەدەندىك باقىلاۋ دەپارتامەنتى كە­دەندىك ءتو­لەم­دەر مەن سا­لىق­تار ءتۇسىمى بويىنشا بەرىل­گەن جوسپاردى ۇنەمى ارتى­عىمەن ورىنداپ كەلەدى. ءما­سەلەن, بيىلعى ءبىرىنشى جارتىجىلدىقتا اتالعان دەپارتامەنت ۇجى­مى­نىڭ جوس­پارلى تاپسىرماسى ارتى­عىمەن ورىندالدى. جىل باسىندا بەرىلگەن جوسپارلى تاپ­سىرما – 202 ميلليارد 868 ميلليون 974 مىڭ تەڭگە بول­سا, ناقتىسىندا بيۋدجەتكە اۋ­دارىلعانى – 203 ميلليارد 886 ميلليون 788 مىڭ تەڭگەنى قۇراپ وتىر. كەدەننەن دە كەنەن كىرىس تۇسىرۋدە ءوز مىندەتتەرىن ادال ءارى جاۋاپكەرشىلىكپەن اتقاراتىن اتىراۋ كەدەن­شى­لەرىنىڭ بۇل تابىسىن 2013 جىل­دىڭ ۇقساس كەزەڭىمەن سالىستىرعاندا, كەدەندىك ءتو­لەمدەر مەن سالىقتاردىڭ ءتۇسۋى 75 ميلليارد 372 ميلليون 274 مىڭ تەڭگەگە ارتقانى بايقالادى. دەمەك, ورتاق ىستە ءار كەدەنشىنىڭ ۇلەسى بار ەكە­نىن اتاپ وتكەن ورىندى بول­ماق. جولداسبەك شوپەعۇل, «ەگەمەن قازاقستان». اتىراۋ وبلىسى.