شايبالى حوككەيدەن قازاقستاننىڭ جاسوسپىرىمدەر قۇراماسى فرانتسيانىڭ انجە قالاسىندا شىمىلدىعى تۇرىلگەن الەم چەمپيوناتىن جەڭىسپەن باستادى.
ءبىرىنشى ديۆيزيوننىڭ «ا» توبىندا باق سىناپ جاتقان جەرلەستەرىمىز جاھاندىق دودانىڭ العاشقى اينالىمىندا ماجارستان حوككەيشىلەرىمەن كەزدەسىپ, 3:0 ەسەبىمەن باسىم ءتۇستى. ماتچتىڭ ءبىرىنشى كەزەڭىندە ەسەپ اشىلعان جوق. دەگەنمەن, ۇزىلىستەن كەيىن سەرگەي ستارىگين شاكىرتتەرى العاشقى 20 مينۋتتىقتاعى قاتەلىكتەرىن تۇزەتىپ, بەس مينۋتتىڭ ىشىندە ماجارستان قاقپاسىنا جاۋاپسىز ءۇش شايبا سوقتى. كەزەڭ باستالعان بەتتە ءادىل بەيسەمباەۆ (21-مينۋت) مەرگەندىگىمەن كوزگە تۇسسە, 34-مينۋتتا ارتۋر گروسس قاقپاشىمەن بىرگە-ءبىر شىعىپ, كەزدەسۋدىڭ ەسەبىن ەسەلەدى. ارادا ءبىر مينۋت وتكەندە ءادىل بەيسەمباەۆ الەكساندر كيمنىڭ پاسىنان كەيىن ءدۋبلدىڭ اۆتورى اتانىپ, ماتچتىڭ نۇكتەسىن قويدى – 3:0. جەرلەستەرىمىز چەمپيوناتتاعى ەكىنشى تۋر ويىنىن كەشە جاپونيا قۇراماسىمەن وتكىزدى. ءبىرىنشى تۋردان كەيىن ەكى ۇجىم دا ءۇش ۇپايمەن كوش باستاپ تۇرعان ەدى.
وكىنىشكە قاراي, وڭتۇستىك كورەياداعى قىزدار اراسىنداعى الەم چەمپيوناتىندا قازاقستاننىڭ ايەلدەر قۇراماسى بارلىق ويىندا جەڭىلىپ, ءبىرىنشى ديۆيزيوننان ەكىنشى ديۆيزيونعا ءتۇسىپ قالدى.