25 ءساۋىر مەن 7 مامىر ارالىعىندا يسپانيانىڭ باس شاھارى – مادريدتە تەننيستەن «WTA 1000» جانە «ATP 1000» ساناتىنداعى «ماستەر» جارىستارىنىڭ جالاۋى جەلبىرەيدى. بۇل سىندا قازاقستان تەننيسشىلەرى دە باق سىنايدى.
ماسەلەن, 26 ءساۋىر - 7 مامىر ارالىعىنا جوسپارلانعان «WTA 1000» دوداسىنا قازاقستان تەننيسشىلەرىنەن ەلىمىزدىڭ ءبىرىنشى, الەمنىڭ 7-راكەتكاسى ەلەنا رىباكينا, دۇنيەجۇزىلىك رەيتينگتە 51-ورىندا تۇرعان يۋليا پۋتينتسەۆا قاتىسادى. رىباكينا جارىستى ەكىنشى اينالىمنان باستايدى. ول بۇل كەزەڭدە رەسەيلىك اننا كالينسكايا نەمەسە چەحيالىق برەندا فرۋحۆيرتوۆانىڭ بىرىمەن كەزدەسەدى. ال يۋ.پۋتينتسەۆا العاشقى اينالىمدا رەيتينگتە وزىنەن ءتورت ساتى تومەن تۇرعان امەريكالىق كلەر ليۋمەن شەبەرلىك بايقاسادى. وتكەن جىلى تۋرنيردە رىباكينا ءۇشىنشى, پۋتينتسەۆا ەكىنشى اينالىمعا دەيىن جەتكەن ەدى.
«ATP 1000» ساناتىنداعى ەرلەر باسەكەسىندە (25 ءساۋىر - 6 مامىر ارالىعى) قازاقستاننىڭ ءبىرىنشى, الەمنىڭ 55-راكەتكاسى الەكساندر بۋبليك رەيتينگتە 100-ساتىدا ورنالاسقان كولۋمبيالىق دانيەل گالانمەن ەكىنشى كەزەڭنىڭ جولداماسىن ساراپقا سالادى. تيموفەي سكاتوۆ كەشە ىرىكتەۋ سايىستارىنداعى جورىعىن باستادى. ول يتاليالىق ماركو چەككيناتومەن كورتقا شىقتى.