الەۋمەتتىك جەلىلەردە ماڭعىستاۋ وبلىسى بەينەۋ اۋدانى سام اۋىلىندا قوقيقازداردىڭ جاپپاي قىرىلعانى تۋرالى اقپارات تارادى, دەپ حابارلايدى Egemen.kz قر ەكولوگيا مينيسترلىگىنە قاراستى ورمان شارۋاشىلىعى جانە جانۋارلار دۇنيەسى كوميتەتىنىڭ سايتىنا سىلتەمە جاساپ.
وقيعا ورنىنا اۋداندىق ۆەتەرەناريا ستانتسيا قىزمەتكەرى, سام اۋىلىنىڭ اكىمى, سام ورماندار جانە جانۋارلار دۇنيەسىن قورعاۋ مم ديرەكتورىنىڭ ورىنباسارى باردى. اۋماقتان 4 قوقيقازدىڭ ولەكسەسى تابىلدى.
ايتا كەتۋ كەرەك, بەينەۋ اۋدانىنىڭ اۋماعى قۇستاردىڭ ماۋسىمدىق ميگراتسيا جولىنا كىرەدى.
سوڭعى ۋاقىتتا اۋدان اۋماعىندا اۋا-رايىنىڭ قولايسىز جاعدايلارى تىركەلەگەن – جەل جىلدامدىعى 15-20 م/س جەتىپ, شاڭدى داۋىل سوققان.
الدىن الا بولجام بويىنشا, قۇستار جوعارى كەرنەۋلى ەلەكتر سىمدارىنا سوعىلعان. قۇستاردىڭ ولەكسەلەرى ۆەتەريناريا ماماندارى تاراپىنان بەينەۋ اۋداندىق ۆەتەرينارلىق لابوراتورياعا تەكسەرۋگە الىندى.