شايبالى حوككەيدەن قازاقستان قىزدار قۇراماسى وڭتۇستىك كورەيانىڭ سۋۆون قالاسىندا جالاۋى جەلبىرەگەن الەم چەمپيوناتىنىڭ ءۇشىنشى ماتچىندا دا جەڭىلىپ قالدى.
ءبىرىنشى ديۆيزيوننىڭ «ۆ» توبىندا باق سىناپ جاتقان جەرلەستەرىمىز بۇل تۋردا يتاليا قىزدارىمەن كەزدەسىپ, 3:0 ەسەبىمەن قارسىلاستارىنا جول بەردى. كەزدەسۋدىڭ ءبىرىنشى كەزەڭىندە ەمي ۆارانو سان باسىمدىعىن جۇزەگە اسىرىپ, ماتچتىڭ ەسەبىن اشسا, ۇزىلىستەن كەيىن اپەننين تۇبەگىنىڭ وكىلدەرى ارينا ششەكولوۆا قورعاعان قاقپادان تاعى ەكى مارتە ساڭىلاۋ تاپتى. گولدىڭ اۆتورلارى – اۆرورا اباتاندجەلو مەن ميا كامپو.
بۇل – قازاقستان قۇراماسىنىڭ الەم چەمپيوناتىنداعى ءۇشىنشى ويىنى جانە ءۇشىنشى جەڭىلىسى. بۇعان دەيىن جەرلەستەرىمىز ۇلىبريتانيا (0:1) جانە سلوۆەنيا (1:2) حوككەيشىلەرىنەن جەڭىلگەن بولاتىن. ۆيكتوريا سازونوۆا شاكىرتتەرى كەلەسى تۋر ويىنىن ەرتەڭ پولشا قۇراماسىمەن وتكىزەدى.