وتكەن تۇندە ەلوردادان 41 مىڭ تەكشە مەتردەن استام قار شىعارىلدى. كوممۋنالدىق قىزمەتتەر كۇشەيتىلگەن رەجيمدە جۇمىس ىستەپ جاتىر, دەپ حابارلايدى Egemen.kz استانا اكىمدىگىنىڭ ءباسپاسوز قىزمەتىنە سىلتەمە جاساپ.
20 ساۋىرگە قاراعان ءتۇنى كوممۋنالدىق قىزمەت استانادان 41 164 تەكشە مەتر قار شىعاردى, بۇل 2 766 اۋىر جۇك كولەمىنە تەڭ.
تاڭەرتەڭ ەلوردا جولدارى مەن كوشەلەرىن 2 300 جول جۇمىسشىسى تازالادى, قار كۇرەۋ بارىسىندا مىڭنان استام ارنايى تەحنيكا پايدالاندى.
جالپى, قىس باستالعالى بەرى قالادان 4,2 ملن تەكشە مەتردەن استام قار شىعارىلدى, پوليگوندارعا 333 577 رەيس جاسالدى.
ەسكە سالا كەتسەك, ءساۋىر ايىنىڭ ورتاسىندا ەلوردادا تولاسسىز قار جاۋدى. ءبىر اپتا ىشىندە جاۋىن-شاشىن مولشەرى ايلىق نورمادان ەكى ەسە اسىپ ءتۇستى.