19 ساۋىردە كۋبا حالىق بيلىگىنىڭ ۇلتتىق اسسامبلەياسى ء(بىر پالاتالى پارلامەنت) قازىرگى مەملەكەت باسشىسى ميگەل دياس-كانەل بەرمۋدەستى 2028 جىلعا دەيىنگى مەرزىممەن پرەزيدەنتتىككە سايلادى, دەپ حابارلايدى Egemen.kz dw.com سايتىنا سىلتەمە جاساپ.
ونىڭ پرەزيدەنتتىككە سايلانۋىن وتىرىسقا قاتىسقان 462 دەپۋتاتتىڭ 459-ى قولداعان. كۋبانىڭ قازىرگى ۆيتسە-پرەزيدەنتى سالۆادور ۆالدەس مەسا تاعى ءبىر مەرزىمگە قايتا سايلاندى. ۇكىمەت قۇرامى دا بەكىتىلدى.
كۋبادا 2019 جىلى جاڭا كونستيتۋتسيا قابىلدانعاننان كەيىن پرەزيدەنتتىك ينستيتۋت قالپىنا كەلتىرىلدى. ميگەل دياس-كانەل مەن سالۆادور ۆالدەس مەسا 2019 جىلدىڭ قازان ايىندا پرەزيدەنت جانە ۆيتسە-پرەزيدەنت بولىپ سايلانعان ەدى.
سول جىلى قابىلدانعان ۇلتتىق جينالىس رەگلامەنتىنە سايكەس, ولاردىڭ ءبىرىنشى مەرزىمدەگى وكىلەتتىگى بەس جىل ەمەس, ءتورت جىل بويى – پارلامەنتتىڭ جاڭا شاقىرىلىمى باستالاتىن 2023 جىلعا دەيىن جارامدى بولدى.