پارلامەنت ءماجىلىسىنىڭ ءبىر توپ دەپۋتاتى ەلباسىنىڭ قاڭتارداعى جولداۋىن حالىققا تۇسىندىرە ءتۇسۋ جانە بەسىنشى شاقىرىلىمنىڭ زاڭ شىعارۋشىلىق قىزمەتىنەن حاباردار ەتۋ ماقساتىندا اقمولا وبلىسىنىڭ اۋداندارىندا كەزدەسۋلەر وتكىزۋدە.
ءماجىلىس دەپۋتاتتارى ا.ميليۋتين, ە.كاپپەل, ءى.ءومىرزاقوۆ تسەلينوگراد اۋدانىنداعى قۇرىلىس وبەكتىلەرىندە بولدى. قوسشى اۋىلىنىڭ مەكتەپ قۇرىلىسىمەن تانىسىپ, اۋداندىق جىلۋ قازاندىعىن كوردى. حالىق قالاۋلىلارىنا تۇرعىندار اۋىلدىڭ ىشكى جولدارى مەن توزىعى جەتىپ قالعان كوپشىلىك كولىكتەرى جانە اكىمشىلىك وتىرعان ەسكى عيماراتتىڭ جاعدايلارىن ايتتى.
شورتاندى اۋدانىندا بولعان دەپۋتاتتار 1200 ورىندىق مەكتەپ پەن اۋداندىق اۋرۋحانادا بولىپ, ءماسليحات دەپۋتاتتارىمەن جۇزدەستى. سونىمەن قاتار, «نۇر وتان» پارتياسىنىڭ اۋداندىق فيليالىندا قوعامدىق قابىلداۋلار وتكىزدى. بۇگىنگى كۇنى مۇنداعى اۋىز سۋ ماسەلەسىنىڭ وتكىر بولىپ تۇرعانىنا نازار اۋدارىپ, مەكتەپكە بالالاردى جاڭا كولىكپەن تاسۋ ماسەلەسى مەن اۋداندىق بالالار اۋرۋحاناسىن كۇردەلى جوندەۋدەن وتكىزۋ ماسەلەسىنەن حاباردار بولدى.
ارشالى اۋدانىندا بولعاندا قيىرشىق تاس شىعاراتىن زاۋىتقا بارىپ, سول جەردىڭ ەكولوگيالىق جاعدايىمەن تانىستى. دەپۋتاتتار ەكولوگيالىق جاعدايدى جاقسارتۋ ءۇشىن بىرقاتار تەحنيكالىق شارالار قاجەتتىگىنە كەڭەس بەرىپ, ىلعالداندىرعىش ماشينالارىن ورناتۋدى ۇسىندى.
حالىق قالاۋلىلارى استانا – قاراعاندى اۆتوكولىك جولىن سالىپ جاتقان قۇرىلىسشىلارمەن دە جۇزدەستى. سودان كەيىن دەپۋتاتتار ارشالىداعى كاسىپتىك كوللەدجدە بولىپ ونىڭ وقۋشىلارىمەن جانە ۇستازدارمەن جۇزدەستى, دەپ حابارلادى ءماجىلىستىڭ ءباسپاسوز قىزمەتى.