قاسيەتتى رامازان كۇندەرىندە «سامۇرىق-قازىنا» كومپانيالار توبىنىڭ باسشىلارى «جەڭىس» جوباسىنىڭ اياسىندا ەكىنشى دۇنيەجۇزىلىك سوعىس ارداگەرلەرىنە باردى, دەپ حابارلايدى Egemen.kz.
«Samruk-Kazyna Trust» قورى 2016 جىلدان بەرى ارداگەرلەرگە قولداۋ كورسەتىپ كەلەدى. بولىنگەن قاراجاتقا قازاقستان بويىنشا قاريالارعا ەرىكتىلەر كومەگىمەن ازىق-ت ۇلىك, مەديتسينالىق دارىلەر, ۇيگە قاجەتتى شاعىن جيھاز جەتكىزىلىپ تۇرادى. سونىمەن قاتار جوبا اياسىندا قارتتارىمىزعا قازاقستان رەسپۋبليكاسى مەن تمد ەلدەرى بويىنشا تەمىرجول كولىگىمەن تەگىن جول ءجۇرۋ مۇمكىندىگى بار», دەدى «Samruk-Kazyna Trust» الەۋمەتتىك جوبالاردى دامىتۋ قورىنىڭ باس ديرەكتورى الفيا اديەۆا.
اتالمىش جوبا اياسىندا 35 ەلدى مەكەندە تۇراتىن ەكىنشى دۇنيەجۇزىلىك سوعىس قاتىسۋشىلارى مەن تىل ەڭبەككەرلەرى قاتارىندا بولعان 1 400 قارياعا تۇراقتى تۇردە بارىپ وتىرۋ, ۇيلەرى مەن اۋلالارىن جيناۋعا كومەك, جوندەۋ جۇمىستارىنا قولعابىس جاساۋ, ازىق-ت ۇلىك, ءدارى-دارمەك, تۇرمىستىق زاتتار ساتىپ الۋ قاراستىرىلعان. ەرەكشە قاجەتتىلىكتەرى بار ارداگەرلەرگە ءوز الدىنا ايرىقشا نازار اۋدارىلىپ, قامكوڭىل قارتتار قاجەتتى تۇرمىستىق تەحنيكامەن, مۇگەدەكتىك اربالارىمەن جانە ەستۋ اپپاراتتارىمەن قامتاماسىز ەتىلەدى.
«ومىردە جاقسىلىق پەن جاماندىق قاتار جۇرەدى, بىراق ءسىز وعان وڭ كوزقاراسپەن قاراساڭىز, وزىڭىزگە جاقسىلىق تارتىپ تۇراسىز. قازىرگى جاس بۋىننىڭ وسىنداي قۇلشىنىسى زور, يگىلىكتى ىستەرگە جانى قۇشتارلىعى قۋانتادى. بىزگە قامقورلىق تانىتىپ, جاعدايىمىزعا الاڭداپ جاتادى. ءومىرىمىزدى جاقسارتىپ, قارايلاسۋعا تىرىسقان ۇيىمداستىرۋشىلار مەن ەرىكتىلەرگە العىس ايتامىن, بۇل ۇلكەن قادام!», دەپ ءبولىستى تىل ەڭبەككەرى ماريا كارپەنكو.
جوبانى 2016 جىلدان بەرى «Samruk-Kazyna Trust» قورى قارجىلاندىرىپ كەلەدى. 2022-2023 جىلعى «جەڭىس» جوباسىنىڭ بيۋدجەتى 115 ميلليون تەڭگەدەن استام سومانى قۇرايدى.
بۇل جوبانىڭ ەڭ قۇندى تۇسى سول, جاستار سوعىستىڭ سۇراپىل جىلدارىنان وتكەن جانە ەكىنشى جاھان سوعىسىنىڭ جەڭىسىنەن كەيىن ەلدى قالپىنا كەلتىرۋگە بار كۇشىن سالعان اعا بۋىنمەن جاقىن ارالاسىپ, تاعىلىمدى اڭگىمەلەرىن تىڭداي الادى. ولار ەرلىك پەن وتانسۇيگىشتىكتىڭ, ومىرگە دەگەن زور قۇلشىنىس پەن ەرىك-جىگەردىڭ بيىك ونەگەسىن كورسەتىپ وتىر.