قىزىلوردادا تالانتتى كومپوزيتور كەڭەس دۇيسەكەەۆ اتىنداعى I حالىقارالىق «تۋعان جەر» انشىلەر كونكۋرسى ءوتتى. ونەر جارىسىنا قازاقستاننىڭ بارلىق وڭىرىنەن جانە بولگاريا, پولشا, ارمەنيا, وزبەكستان, تاجىكستان مەن قىرعىزستان ەلدەرىنەن 28 ءانشى قاتىستى.
كونكۋرستىڭ الدىندا ۇيىمداستىرىلعان ءباسپاسوز كونفەرەنتسياسىندا وبلىستىق مادەنيەت جانە سپورت باسقارماسىنىڭ باسشىسى ميرا قازبەكوۆا بۇل كونكۋرس باستاۋىن 2006 جىلدان الاتىنىن ايتىپ ءوتتى. العاش رەت سول جىلى كومپوزيتوردىڭ 60 جاسقا تولۋىنا وراي ۇيىمداستىرىلعان ونەر سايىسى ايماقتىق دەڭگەيدە ءوتتى. كەيىن ءار 2 جىل سايىن رەسپۋبليكالىق دارەجەدە ءوتىپ, تالاي دارىندى جاستاردىڭ ونەردەگى جولىن اشقان ءان بايگەسى بيىل العاش رەت حالىقارالىق اۋقىم الىپ وتىر.
بايقاۋ شارتى بويىنشا قازاقستاننان قاتىساتىن تالاپكەرلەر ءبىرىنشى كەزەڭدە كەڭەس دۇيسەكەەۆتىڭ ءبىر ءانىن, ەكىنشى كەزەڭدە حالىق اندەرى نەمەسە قازاقستان كومپوزيتورلارىنىڭ ءبىر تۋىندىسىن ورىندادى. شەتەلدىك انشىلەر العاشقى كەزەكتە كومپوزيتور ءانىن, كەلەسى كەزەڭدە ءوز ەلىنىڭ شىعارمارىن ايتتى.
ولاردىڭ ونەرىنە جەرگىلىكتى كومپوزيتور, قازاقستاننىڭ ەڭبەك سىڭىرگەن قايراتكەرى رامازان تايمانوۆ, ليتۆا ەلىنىڭ بەلگىلى پروديۋسەرى بيرۋتە پەتريكيتە, بولگاريالىق مامان نيكولاي تەكەليەۆ, قازاقستاننىڭ حالىق ءارتىسى ناعيما ەسقاليەۆا, كومپوزيتور بەيبىت ورال ۇلى, حالىقارالىق كونكۋرستار مەن فەستيۆالدەر اسسوتسياتسياسىنىڭ مۇشەسى قارلىعاش ابدىكارىموۆا جانە كومپوزيتوردىڭ ۇلى نۇركەن دۇيسەكەەۆ باعا بەردى.
ايماق باسشىسى ءوز سوزىندە قىزىلوردا وبلىستىق فيلارمونياسىنا كەڭەس دۇيسەكەەۆ ەسىمى بەرىلەتىنىن اتاپ ءوتتى. دارىندى ونەر يەسى تۋعان وڭىردە بىلتىر 1000 ورىندىق «ونەر ورتالىعىنىڭ» ىرگەسى قالانعان ەدى. بيىل قولدانىسقا بەرىلەتىن ورتالىقتا كونتسەرتتەردىڭ كاسىبي ءارى جاندى داۋىستا كورەرمەنگە جول تارتۋىنا سەپتىگىن تيگىزەتىن سيمفونيالىق وركەستردىڭ دە تۇساۋى كەسىلەدى, ۇلتتىق ونەرگە ولمەس تۋىندىلار قوسقان تالانت اتىنداعى كونكۋرستا ء«ۇمىت» اتالىمىمەن كەنجە مايلىباي ماراپاتتالسا, وزبەكستاندىق مۇسا مولداباەۆ «كورەرمەن كوزايىمى», تاعى ءبىر جەرگىلىكتى ءانشى اقىلبەك تابىنباەۆ «تۋعان جەر» اتالىمىن يەلەندى.
كونكۋرستىڭ ءۇشىنشى ورنى الماتىلىق الماگۇل باتتاليەۆاعا, شىعىس-قازاقستاندىق كاميلا تالعاتوۆا مەن بولگاريالىق ءانشى سلاۆەيا يۆانوۆاعا بەرىلدى. ەكىنشى ورىن جۇلدەسى استانالىق ايدىن جۇماباەۆقا, اقتوبە قالاسىنان كەلگەن ازامات بەكبەرگەنوۆكە, قىرعىزستاندىق اباي سەرىكوۆكە بۇيىردى. ءبىرىنشى ورىن يەگەرلەرى بولىپ اقتوبەلىك «تامسان» تريوسى مەن پولشا ءانشىسى ميحال كاچمارەك تانىلدى.
قازىلار القاسىنىڭ شەشىمىمەن سىر ەلىندە تۇڭعىش رەت حالىقارالىق دەڭگەيدە ۇيىمداستىرىلعان كونكۋرستىڭ باس جۇلدەسى اتىراۋلىق ءانشى دانا ماجيتوۆاعا تاپسىرىلدى.
قىزىلوردا وبلىسى